Марко Рубио Майами ва Ўзбекистон ўртасида тўғридан-тўғри авиақатновлар йўлга қўйилиши мумкинлигини билдирди
Марко Рубио Майами ва Ўзбекистон ўртасида тўғридан-тўғри рейслар йўлга қўйилиши мумкинлигини билдирди
Майами ва Ўзбекистон ўртасида тўғридан-тўғри авиақатнов пайдо бўлиши мумкин. Бу ҳақда АҚШ давлат котиби Марко Рубио икки мамлакат ўртасидаги ҳамкорлик истиқболларини шарҳлар экан маълум қилди.
Рубио Ўзбекистонга ташриф буюраётган туристлар сони уни ҳайратда қолдирганини айтди. Унинг сўзларига кўра, айнан шу сабабли у АҚШ ва республика ўртасида тўғридан-тўғри авиарейслар имконияти ҳақида ўйлаб қолган.
АҚШ давлат котиби, шунингдек, Ўзбекистоннинг Марказий Осиёдаги муҳим ролини ва унинг иқтисодиёти юқори суръатларда ўсаётганини таъкидлади. Унинг айтишича, агар республика кейинги ўн йилликда ҳам ҳозирги ривожланиш суръатларини сақлаб қолса, уни янада ҳайратланарли натижалар кутмоқда.
Шунингдек, Ўзбекистон ва АҚШ савдо, инвестициялар ва технологиялар соҳасида умумий қиймати 12 миллиард долларлик 54 та битим тузгани хабар қилинмоқда. Келишувлар транспорт, энергетика, кончилик саноати, молия, рақамли технологиялар, қишлоқ хўжалиги, соғлиқни сақлаш ва таълим соҳаларини қамраб олади.