“Мағлубиятимиз сабаби — уруш”: республикачилар сайлов ҳақида нима деяпти?
Вице-президент Жей Ди Венс республикачиларнинг мағлубиятига Эрон уруши сабаб бўлганини айтди. Партиянинг айрим вакиллари эса айбни бевосита Трампнинг ўзига юкламоқда.
“Мағлубиятимиз сабаби — уруш”: республикачилар сайлов ҳақида нима деяпти?
АҚШдаги оралиқ сайловларнинг якуний натижалари ҳали расман эълон қилинмаган. Шунга қарамай, амалдаги президент Доналд Трамп етакчилигидаги Республикачилар партияси Конгресс устидан назоратни йўқотгани аллақачон аён бўлиб бормоқда.
Тҳе Нев Ёрк Тимес прогнозига кўра, демократлар Вакиллар палатасида 258 та, республикачилар эса 177 та ўринга эга бўлади. Сенатда ҳам демократлар 55 та, республикачилар 45 та ўринни қўлга киритиши кутилмоқда.
Трампнинг ўзи республикачилар унинг исми сайлов бюллетенларида бўлмагани учун мағлуб бўлганини айтди. Партия раҳбарлари эса натижаларга эҳтиёткорлик билан муносабат билдирмоқда. Юқори лавозимли амалдорлар орасида вице-президент Жей Ди Венс энг очиқ баёнот берди. У республикачиларнинг мағлубиятини Оқ уй бошлаган Эронга қарши уруш билан боғлади.
Бироқ партиянинг қуйи поғонадаги вакиллари президентни очиқчасига “республикачилар мағлубиятининг ташкилотчиси” деб атамоқда.
Сўнгги икки йил ичида Сенатдаги республикачилар катта ютуқларга эришди: кўчалар хавфсизроқ бўлди, америкаликлар қўлида кўпроқ маблағ қола бошлади, оилалар ва бизнес учун янги ривожланиш имкониятлари пайдо бўлди.
Демократларнинг доимий қаршилигига қарамай, биз АҚШ тарихидаги энг катта солиқ оширилишининг олдини олдик, чегаралар хавфсизлигини мисли кўрилмаган даражада таъминладик, президент кабинети аъзоларини сўнгги йигирма йилдагидан ҳам тезроқ тасдиқладик. Шунингдек, мамлакат бўйлаб судялик лавозимларига қатъий консерватив қарашларга эга шахсларни Рейган маъмурияти давридан бери энг юқори тезликда тайинладик.
Мен жамоамиз ва Америка халқи учун қилган барча ишларимиздан фахрланаман. Келгуси ойларда олдимизда турган муҳим вазифаларга ҳам катта умид билан қарайман.
2027-йил яқинлашар экан, Демократик партиянинг ўта сўл, социалистик қаноти барча ютуқларимизни йўққа чиқаришга уринаётган бир пайтда Сенатдаги республикачилар қўл қовуштириб ўтирмайди.
Яхшиямки, президент Трамп ҳануз Оқ уйда. Биз у билан биргаликда демократлар томонидан кузатилаётган экстремизмнинг энг хавфли кўринишларига қарши курашамиз. Уларнинг радикал қарашлари жамиятда одатий меъёрга айланишига йўл қўймаслигимиз керак.
Сайлов кампанияси давомида Вакиллар палатасидаги кўпчиликни сақлаб қолиш учун тарихий қонуниятларга қарши боришимиз кераклигини тушунган эдик. Гарчи ушбу оралиқ сайловлар натижалари биз кутган ва эришиш учун курашган натижалар бўлмаса-да, бу янги курашнинг бошланиши, холос.
Вакиллар палатасидаги демократлар кўпчилиги Америка тарихидаги энг радикал ва ўта сўл кучлар назоратига ўтади. Бироқ республикачилар Конституция ва Американи дунёнинг энг буюк давлатига айлантирган қадриятларни ҳимоя қилиш учун курашни ҳеч қачон тўхтатмайди.
Биз соғлом фикрга асосланган дастуримизни илгари суришда ва Американи яна буюк давлатга айлантириш ҳақидаги мақсадимизни амалга оширишда давом этамиз.
2028-йилда эса Вакиллар палатасидаги кўпчиликни қайтариб оламиз ва бошлаган ишимизни охирига етказамиз.
Сўровларга кўра, 2024-йилда Трампни қўллаб-қувватлаган кўплаб сайловчилар ғазаб билан демократларга овоз беришни режалаштирган. Биздан юз ўгирганлардан яна бизни қўллаб-қувватлашлари учун нима қилишимиз кераклиги сўралди. Уларнинг жавоблари асосан тўртта масалага бориб тақалди:
Урушни тугатиш.
Яшаш харажатлари ва инфляцияга эътибор қаратиш.
“Аввало Америка” (Америса Фирст) сиёсатини амалга ошириш.
Исроил билан муносабатларни қайта кўриб чиқиш.
Мағлубиятимизга уруш сабаб бўлди. Президентнинг ўзи ҳам буни кеча кечқурун тан олди.
Мен ҳамон мамлакатимиз келажагига умид билан қарайман. Бизни олдиндан огоҳлантирганлар ҳақ эди. Энди бу кучни ўз қарашларингизга яқин республикачиларни сайлашга йўналтиринг.
Сайлов натижаларидан ғазабланишга ҳамма ҳақли. Келинг, бу ғазабдан мамлакатимизни қутқариш йўлида фойдаланайлик.
Демократлар бунга қандай жавоб бермоқда?
Бугун Америка халқи аниқ сигнал берди: одамлар жамиятни ажратадиган эмас, бирлаштирадиган сиёсатни, ўзлари дуч келаётган муаммоларга аниқ ечимлар таклиф қиладиган раҳбарларни хоҳлайди.
Амалдаги маъмурият яна икки йил фаолиятини давом эттиради. Бироқ бизнинг ҳозирги вазифамиз — енг шимариб ишга киришиш, ваколатимиз етадиган жойларда ўзгаришларга эришиш, бундан кейинги зарарларнинг олдини олиш ва келажак учун пойдевор яратиш.
Чак Шумер
(ҳозирча) АҚШ Сенатидаги демократлар озчилиги етакчиси
Барча қийинчиликларга қарамай, демократлар Сенатда ғалаба қозонди. Америка халқига айтадиган тўрт оғиз сўзимиз бор: ёрдам йўлга чиқди.