Кексаларга музей ва тарихий обидаларга кириш учун чегирма эълон қилинди
Эслатилишича, имтиёз ноябр ойи давомида белгиланган маданий мерос обьектлари, давлат музейлари ва музей-қўриқхоналарда амал қилади.
Кексалар учун музей ва тарихий обидаларга киришда чегирма жорий этилди
Ўзбекистонда 2026-йил 1-ноябрдан 30-ноябргача «Кексалар учун туризм ойлиги» ташкил этилади. Шу доирада кекса ёшдаги фуқаролар учун маданий мерос обьектлари, давлат музейлари ҳамда музей-қўриқхоналарга кириш чипталарига 50 фоизлик чегирма берилади.
Ушбу ташаббус кексаларнинг тарихий обидалар ва музейларга бориш имкониятларини кенгайтириш, уларнинг мазмунли ҳордиқ чиқариши ҳамда мамлакатнинг бой маданий мероси билан яқиндан танишишига хизмат қилади.
Чегирмалар Вазирлар Маҳкамасининг 2026-йил 29-сентябрдаги 1-сон мажлис баёнида белгиланган вазифалар асосида жорий этилмоқда.
Эслатиб ўтилишича, имтиёз ноябр ойи давомида белгиланган маданий мерос обьектлари, давлат музейлари ва музей-қўриқхоналарда амал қилади.