Каллас Лавровни Г20 уçраşувида ёлğон гапириşда айблади
Европа Иттифоқининг боş дипломати Кая Каллас Россия Украина бöйиçа тинçлик музокараларига тайёрлигини амалда кöрсатмаётганини билдирди. У Сергей Лавровни ёлğон маълумотлар келтириşда айблаб, Москвага босимни куçайтириşга çақирди.
Каллас Лавровни Г20 учрашувида ёлғон гапиришда айблади
Каллас бу ҳақда 30-октабр куни АҚШнинг Атланта шаҳрида бўлиб ўтган Г20 ташқи ишлар вазирлари учрашуви доирасида АФП агентлигига берган изоҳида айтган.
Унинг таъкидлашича, Россия ташқи ишлар вазири учрашувда кўплаб ёлғон ва бузиб талқин қилинган маълумотларни келтирган. Европалик иштирокчилар эса уларни рад этишга муваффақ бўлган.
АФП журналисти Лавров урушни тугатиш учун ён беришга тайёрлик билдирган-билдирмаганини сўраганида, Каллас рад жавобини берган. У Россиянинг амалий ҳаракатлари музокараларга тайёрлик ҳақидаги гапларга мос келмаётганини таъкидлаган.
Каллас Москвани тинчлик музокараларига тайёрлигини амалда исботлашга чақирган. Шунингдек, у июл, август ва сентабрни Украинада тинч аҳоли учун энг ҳалокатли ойлар деб атаган.
ДВ хабарига кўра, аввалроқ Германия ташқи ишлар вазири Ёханн Вадефул европалик иштирокчилар Украинадаги уруш туфайли Лавров билан анъанавий умумий суратга тушишдан бош тортганини маълум қилган.
Вадефул Россия билан келишмовчиликларни муҳокама қилиш учун мулоқот зарурлигини тан олган. Бироқ, унинг таъкидлашича, бундай алоқалар муносабатлар одатий ҳолатга қайтгандек таассурот уйғотмаслиги керак.