Жиззахда АЕСнинг иккита йирик энергоблоки қурилиşи 2027-йилда боşланиşи мумкин
Жиззах вилоятида 2027-йилда ҳар бирининг қуввати 1000 МВт бöлган иккита йирик атом энергоблоки қурилиşини боşлаş режалаşтирилмоқда. Стансия яқинида эса дастлабки босқиçда 33 минг аҳолига мöлжалланган «ядро şаҳарçаси» барпо этилиşи кöзда тутилган.
Жиззахда АЕСнинг иккита йирик энергоблоки қурилиши 2027-йилда бошланиши мумкин
Бу ҳақда «Дунё» ахборот агентлиги Ворлд Нуслеар Невс порталига таяниб хабар берди
«Росатом» маълумотларига кўра, ВВЕР-1000 реакторларига эга иккита йирик энергоблок кичик модулли реакторлар ёнида жойлаштирилади. Ҳозир майдонда муҳандислик-қидирув ишлари олиб борилмоқда ва лойиҳа такомиллаштирилмоқда.
Киçик реакторлар қурилиши давом этмоқда
Хабарда қайд этилишича, бўлажак АЕС майдонида иккита кичик модулли реактор қурилиши амалга оширилмоқда. 2026-йил май ойида пойдеворнинг биринчи бетон плитаси қуйилган. У билан боғлиқ ишларни йил охиригача якунлаш режалаштирилган.
Шу билан бирга, тайёрлаш узоқ вақт талаб этадиган ускуналар ишлаб чиқарилмоқда. Кичик энергоблоклардан бири учун реактор корпуси аллақачон тайёр бўлган. Биринчи кичик блокнинг эксплуатация ходимларини ишга қабул қилишни 2027-йил охирида бошлаш мўлжалланган.
«Росатом» раҳбари Алексей Лихачёвнинг таъкидлашича, мазкур лойиҳа ҳозир экспорт модели бўйича амалга оширилаётган дунёдаги ягона кичик атом электр стансияси ҳисобланади.
Қурилишга маҳаллий компаниялар жалб қилинади
Айни пайтда қурилиш майдонида минг нафардан ортиқ киши меҳнат қилмоқда. Яқин ойларда ходимлар сонини камида икки баробарга ошириш режалаштирилган. Умумий қурилиш ишларининг катта қисмини Ўзбекистон компанияларига топшириш кўзда тутилмоқда.
Стансия яқинида барпо этилиши режалаштирилган «ядро шаҳарчаси»нинг биринчи босқичи 33 минг аҳолига мўлжалланади. Унда энергия тежамкор уй-жойлар, таълим, тиббиёт ва спорт обьектлари қурилиши назарда тутилган.
Портал маълумотига кўра, президент Шавкат Мирзиёевнинг «Росатом» раҳбари билан учрашувида атом энергетикаси учун малакали кадрлар тайёрлаш ҳамда уй-жой қурилиши соҳасидаги ҳамкорлик масалалари ҳам муҳокама қилинган.