Жинсий можаро ва фирибгарлик туфайли обрўсизланган АҚШ телевоизи Жим Баккер 86 ёшида вафот этди
АҚШлик телеваиз Жим Баккер фирибгарлик ва тил бириктириш учун қамоққа олинишидан олдин ўша пайтдаги рафиқаси Тэмми Фэй билан бирга «The PTL Club»га асос солган эди.
Жинсий можаро ва фирибгарлик туфайли обрўсизланган АҚШ телевоизчиси Жим Баккер 86 ёшида вафот этди
Фирибгарлик ва тил бириктириш учун қамоққа олинишидан олдин кўп миллион долларлик медиа империясини яратган АҚШ телевоизчиси Жим Баккер 86 ёшида вафот этди.
Баккер ва унинг ўша пайтдаги рафиқаси Тэмми Фэй 1974 йилда «The PTL Club» деб номланган христианлик телекўрсатувини йўлга қўйишган ва у энг гуллаган даврида кунига 13 миллион томошабинни жалб қилган.
Унинг вафоти ҳақида душанба куни иккинчи рафиқаси Лори Баккер маълум қилди ва уни «христианлик телевидениесининг кашшофи» деб атади.
1980-йилларнинг охирига келиб, Баккер ва Тэмми Фэйнинг империяси у жинсий можарога аралашиб қолгани, кейинчалик эса почта ва электрон фирибгарликда айбдор деб топилганидан кейин парчаланишни бошлади. 1992 йилда у билан ажрашган Тэмми Фэйга ҳеч қачон айблов қўйилмаган.
Баккер 1998 йилда қайта турмуш қурди ва иккинчи рафиқаси Лори билан 2003 йилда янги теле-диний хизматни бошлади.
У ўлим сабабини ошкор қилмади.
Баккернинг биринчи дастури — «The PTL Club» («Парвардигорга ҳамду санолар бўлсин» ёки «Севадиган одамлар») уни биринчи рафиқаси Тэмми Фэй билан бирга машҳур қилган эди.
Бу жуфтлик 2000 нафар ходим ва Жанубий Каролина штатининг Форт-Милл шаҳридаги 2300 акр (930 гектар) майдонни эгаллаган «Heritage USA» кўнгилочар боғ мажмуаси билан ўз империясини барпо этган.
Баккерлар ўзларининг ҳашаматли ҳаёт тарзи, жумладан, шахсий самолёт, бир нечта уйлар, қимматбаҳо машиналар, заргарлик буюмлари ва ҳатто кондиционерли итхонаси билан танилган эди.
1987 йилда Баккер черковнинг собиқ котибаси Жессика Хан билан 1980 йилдаги жинсий алоқаси фош бўлганидан кейин PTL хизматидан истеъфога чиқди.
Кейинчалик Хан черков маблағлари ҳисобидан 265 000 доллар миқдорида товон пули олгани маълум бўлди, бу эса Баккернинг руҳонийлик мақоми ва диний мажбуриятларни бажариш ҳуқуқидан маҳрум этилишига олиб келди.
Хан шунингдек, Баккерни жинсий зўравонликда айблади, гарчи воиз буни инкор этиб, алоқа ўзаро розилик билан бўлганини айтган эди.
Кейинчалик, 1989 йилда Баккер ўзларининг христианлик кўнгилочар боғи билан боғлиқ фирибгарлик схемасида почта ва электрон фирибгарлик ҳамда тил бириктириш бўйича 24 та бандда айбдор деб топилди ва тўрт йилдан ортиқ қамоқ жазосини ўтади.
Тэмми Фэй суд жараёнида эри билан бирга қолди, аммо у қамоқда бўлган вақтида, 1992 йилда ажрашишга ариза берди. У 2007 йилда саратон касаллигидан вафот этди.
Баккер 1994 йилда қамоқдан чиққанидан кейин «Мен хато қилган эдим» номли китоб ёзди ва 1998 йилда Лорига уйланди.
Эр-хотин 2003 йилда биргаликда теле-диний хизматни йўлга қўйишди ва 2008 йилда «The Jim Bakker Show» кўрсатувини ёзиб олишни бошлашди.