Маҳаллий
Жарқўрғонда 5-синф ўқувчиси қўшнисининг «Спарк»ини ҳайдаб, видеосини тармоққа жойлади
Сурхондарё вилояти Жарқўрғон туманида бешинчи синф ўқувчиси қўшнисига тегишли «Спарк» автомобилини бошқарган. У бу жараённи тасвирга олиб, ижтимоий тармоқларга жойлаганидан сўнг ҳолат кенг муҳокамага сабаб бўлган.
Жарқўрғонда 5-синф ўқувчиси қўшнисининг «Спарк» автомобилини ҳайдаб, унинг видеосини тармоққа жойлаган.
Вилоят ИИБ Жамоат хавфсизлиги хизмати Йўл ҳаракати хавфсизлиги бошқармаси маълумотига кўра, автомобилни тумандаги 19-мактаб ўқувчиси бошқарган.
ЙҲХБ мутахассислари вояга етмаган бола ҳамда унинг онаси билан профилактик суҳбат ўтказган.
Расмий хабарда ҳолат юзасидан қонуний чора кўрилгани айтилган, бироқ айнан қандай чора қўллангани очиқланмаган.