«Жаҳон савдоси тарихида Самарқанддек муҳим ўрин тутган жойлар кам» – Марко Рубио
У АҚШ бутун дунё бўйлаб шериклик алоқаларини кенгайтираётгани, бу жараёнда Ўзбекистон муҳим ўрин тутишини билдирган.
«Жаҳон савдоси тарихида Самарқанддек муҳим ўрин тутган жойлар кам» – Марко Рубио
АҚШ Давлат котиби Марко Рубио ижтимоий тармоқдаги саҳифасида жойлаштирган видеосида Самарқанднинг глобал савдо чорраҳаси сифатидаги тарихий аҳамияти қайта тикланаётганини таъкидлади.
У Вашингтон бутун дунё бўйлаб шериклик алоқаларини кенгайтираётганини, бу жараёнда Ўзбекистон муҳим ўрин тутишини айтиб, Американинг юзлаб компаниялари бу ерга аниқ келишувлар ва узоқ муддатли ҳамкорлик учун келганини қайд этди:
«Ер юзида Самарқанд каби тарихан глобал савдода муҳим рол ўйнаган жойлар камдан кам учрайди. Бугун бу ерда бўлиб, нафақат тарихни ёдга олиш, балки келажак учун имкониятлар ҳақида фикр юритиш мен учун шарафдир».
Марко Рубионинг сўзларига кўра, АҚШ савдо, илм-фан ва технология йўналишларида катта имкониятларни кўрмоқда.
Фев пласес он Эартҳ ҳаве ҳисторисаллй плаед суч ан импортант роле ин глобал траде анд соммерсе ас Самарканд.
Аввалроқ у ташриф якунлари бўйича миллиардлаб долларлик келишувлар имзоланиши кутилаётганини айтган эди. Шунингдек, у АҚШ Ўзбекистон ва минтақа давлатлари билан савдо-иқтисодий ҳамкорликни янада кенгайтиришдан манфаатдор эканини таъкидлаган.