Испания транспорт вазири 69 киşи ҳалок бöлган фожиадан сöнг истеъфо берди
Испания транспорт вазири Оскар Пуенте Толедо яқинида 69 киşининг ҳаётига зомин бöлган темирйöл ҳалокатидан сöнг истеъфога çиқиşини эълон қилди. У муддатидан олдинги парламент сайловларида ҳам иşтирок этмаслигини билдирди.
Испания транспорт вазири 69 киши ҳалок бўлган фожиадан сўнг истеъфога чиқди
Унинг истеъфоси фожиадан қарийб бир ҳафта ўтиб эълон қилинди.
«Бир йилга етмаган вақт ичида бундай кўламдаги иккита ҳалокатдан кейин вазир ўз лавозимида қолиши мумкин эмас», - деган Пуенте. У истеъфога чиқиш қарорини сиёсий шаън ва масъулият масаласи билан изоҳлаган.
дпа агентлигига кўра, вазирнинг истеъфосини барча мухолифат партиялари талаб қилган. Бироқ Пуенте ва Испания бош вазири Педро Санçес бунга қадар вазирнинг лавозимдан кетиши эҳтимолини бир неча бор рад этгани учун бу қарор кутилмаган бўлган.
Пуентенинг баёнотидан бир неча соат олдин Испания ҳукумати темирйўл қатнови хавфсизлигини ошириш чораларини тасдиқлаган. Шунингдек, жабрланганлар ва ҳалок бўлганларнинг оилалари учун 30 миллион евро миқдоридаги ёрдам пакети маъқулланган.
Темирйўл ҳалокати 28-октабр куни соат 08:53 да Толедо провинсиясидаги Урда аҳоли пункти яқинида, Мадрид - Севиля тезюрар темирйўл йўналишида юз берган. АВЕ 2080 йўловчи поезди йўлда тўхтаб турган Ирё 6076 поездининг охирги вагонига бориб урилган. Оқибатда 69 киши ҳалок бўлган, 50 дан ортиқ одам жароҳатланган.
2026-йил бошидан буён Испанияда йўловчилар жабрланган еттита темирйўл ҳалокати қайд этилган. Улардан яна бири 18-январ куни Мадрид - Малага тезюрар йўналишида, Адамус аҳоли пункти яқинида содир бўлган. Икки поезд иштирокидаги ўша ҳалокатда 46 киши ҳаётдан кўз юмган, яна 150 киши турли даражада жароҳат олган.
Адамусдаги ҳалокатнинг эҳтимолий сабабларидан бири сифатида темирйўл изларининг шикастлангани кўриб чиқилмоқда. Урдадаги ҳодиса бўйича терговда эса поездларни автоматик ҳимоялаш тизими ишдан чиққан бўлиши ҳамда диспетчерлик маркази кўрсатмаларида эҳтимолий хатоларга йўл қўйилгани текширилмоқда.