Иқтисодий тадқиқотлар ва ислоҳотлар маркази 2026 йилнинг ИИИ чораги якунлари бўйича банклар рейтингини янгилади

Иқтисодий тадқиқотлар ва ислоҳотлар маркази 2026 йил ИИИ чораги якунлари бўйича банклар рейтингини янгилади

Иқтисодий тадқиқотлар ва ислоҳотлар маркази 2026 йил ИИИ чораги учун «Банклар фаоллик индекси» натижалари асосида янгиланган банклар рейтингини эълон қилди.

Тадқиқотга республиканинг 34 та тижорат банки киритилди. Натижаларни ўзаро солиштириш мақсадида 20 та банк йирик банклар, 14 таси эса кичик банклар гуруҳига ажратилди.

Индекс 7 та йўналиш бўйича жамланган 27 та субиндикатор асосида ҳисобланди. Улар орасида молиявий воситачилик ва молиявий оммабоплик, капитал етарлилиги, активлар сифати, бошқарув самарадорлиги, даромад олиш салоҳияти ва ликвидлилик бор.

Кўрсаткичлар қийматлари банк тизими бўйича ўртача даражалар ҳамда амалдаги халқаро меъёрлар, жумладан, Банк назорати бўйича Базел қўмитаси талаблари билан таққосланади. Индексни ҳисоблашда банкларнинг молиявий барқарорлигини баҳолашга доир халқаро ёндашувлар ҳам инобатга олинади.

Йирик банклар фаоллиги рейтинги

2026 йил ИИИ чораги якунларига кўра, 20 та йирик банкдан 10 тасининг фаоллик рейтингидаги ўрни ўзгарди. Жумладан, 10 та банк ўз ўрнини сақлаб қолди, 5 та банк юқори поғонага кўтарилди, 5 та банкнинг эса умумий рейтингдаги ўрни пасайди.

Дастлабки тўртта ўрин ўзгаришсиз қолди. «Капиталбанк», «Ҳамкорбанк», «Азия Алянс Банк» ва «Трастбанк» рейтинг етакчилари бўлиб қолмоқда. Шу билан бирга, «Ипак Йўли Банк» 3 поғонага кўтарилиб, етакчи бешталикка кирди.

Энг катта ўсиш «Ипак Йўли Банк» ва «Халқ банки»да кузатилди. Уларнинг ҳар бири 3 поғонага кўтарилди. Энг сезиларли пасайиш эса «Ипотека банк» ва «Анорбанк»да қайд этилди. Ҳар икки банк 3 поғонадан йўқотди.

Индекс йўналишлари бўйича асосий ўзгаришлар

2026 йил ИИИ чораги якунларига кўра, энг юқори ижобий динамика молиявий оммабоплик ва молиявий воситачилик йўналишларида кузатилди. Шу билан бирга, капитал етарлилиги ва активлар сифати бўйича ўрни пасайган банклар сони ўз натижаларини яхшилаган банклар сонидан кўп бўлди. Бошқарув самарадорлиги ва даромад олиш салоҳияти кўрсаткичлари нисбатан барқарор сақланди.

Молиявий оммабоплик бўйича 9 та йирик банк ўз ўрнини яхшилади, 5 тасининг ўрни пасайди, яна 6 таси аввалги ўрнини сақлаб қолди. Энг юқори ўсиш «Азия Алянс Банк»да кузатилиб, у 3 поғонага кўтарилди. «Ўзбекистон Миллий банки» ва «Асакабанк» ўз натижаларини 2 поғонадан яхшилади. Энг сезиларли пасайиш «Тенге Банк»да қайд этилиб, у 7 поғонага тушди.

Молиявий воситачилик бўйича 7 та банк ўз ўрнини яхшилади, 6 тасининг ўрни пасайди, яна 7 таси аввалги ўрнини сақлаб қолди. Энг юқори ўсиш «Микрокредитбанк»да кузатилиб, у 5 поғонага кўтарилди. «Ипак Йўли Банк» ўз натижасини 3 поғонага, «Даврбанк» эса 2 поғонага яхшилади. Энг сезиларли пасайиш «Туронбанк»да қайд этилиб, у 8 поғонага тушди.

Активлар сифати бўйича 6 та банк ўз ўрнини яхшилади, 8 тасининг ўрни пасайди, яна 6 таси аввалги ўрнини сақлаб қолди. Энг юқори ўсиш «Трастбанк»да 5 поғона ва «Асакабанк»да 3 поғона даражасида қайд этилди. Энг сезиларли пасайиш «Бизнесни ривожлантириш банки»да кузатилиб, у 3 поғонага тушди. «Ўзсаноатқурилишбанк» ва «Алоқабанк» 2 поғонадан йўқотди.

Капитал етарлилиги бўйича 6 та банкда ижобий динамика кузатилди, 8 тасининг ўрни пасайди, яна 6 таси аввалги ўрнини сақлаб қолди. Энг юқори ўсиш «Тенге Банк»да қайд этилиб, у 10 поғонага кўтарилди. «Туронбанк» ўз натижасини 3 поғонага яхшилади. Шу билан бирга, «Ипак Йўли Банк», «Микрокредитбанк» ва «Бизнесни ривожлантириш банки» 4 поғонадан пастлади.

Бошқарув самарадорлиги бўйича 3 та банк ўз ўрнини яхшилади, 4 тасининг ўрни пасайди, 13 таси эса аввалги ўрнини сақлаб қолди. Энг юқори ўсиш «Капиталбанк»да кузатилиб, у 2 поғонага кўтарилди. «Ўзбекистон Миллий банки» ва «Асакабанк» ўз натижаларини 1 поғонадан яхшилади. «Ориент Финанс Банк», «Халқ банки», «Даврбанк» ва «Агробанк»да 1 поғонадан пасайиш қайд этилди.

Даромад олиш салоҳияти бўйича 2 та банк ўз ўрнини яхшилади, 4 тасининг ўрни пасайди, яна 14 таси аввалги ўрнини сақлаб қолди. «Халқ банки» ва «Туронбанк» 2 поғонадан кўтарилди. Шу билан бирга, «Капиталбанк», «Ипотека-банк», «Асакабанк» ва «Агробанк» 1 поғонадан йўқотди.

Ликвидлилик бўйича 6 та банк ўз ўрнини яхшилади, 7 тасининг ўрни пасайди, яна 7 таси аввалги ўрнини сақлаб қолди. Энг юқори ўсиш «Асакабанк»да кузатилиб, у 4 поғонага кўтарилди. «Трастбанк», «Ўзбекистон Миллий банки», «Даврбанк» ва «Бизнесни ривожлантириш банки» ўз натижаларини 2 поғонадан яхшилади. Энг сезиларли пасайиш «Инфинбанк»да 4 поғона ва «Анорбанк»да 3 поғона даражасида қайд этилди.

Трансформация жараёнлари

Рейтинг натижалари бир қатор банкларнинг молиявий хизматлардан фойдаланиш имконияти ва молиявий воситачилик бўйича ўринлари яхшиланганини кўрсатмоқда. Шу билан бирга, кредит портфеллари сифати, ликвидлилик ва бошқарув самарадорлиги бўйича тафовутлар сақланиб қолмоқда.

Аҳоли ва бизнес учун кредитлар ҳамда бошқа молиявий хизматлардан фойдаланиш имкониятини кенгайтириш, шунингдек, кредит портфеллари сифатини ва рискларни бошқаришни яхшилаш банкларнинг молиявий барқарорлигини мустаҳкамлашга хизмат қилади.

Кичик банклар фаоллиги рейтинги

2026 йил ИИИ чораги якунларига кўра, 14 та кичик банкдан 10 тасининг рейтингдаги ўрни ўзгарди. Жумладан, 5 та банк ўз ўрнини яхшилади, 5 тасининг ўрни пасайди, яна 4 таси аввалги ўрнини сақлаб қолди.

Етакчи учталик ўзгаришсиз қолди. «ТБС Банк», «Универсал Банк» ва «АВО Банк» дастлабки ўринларни сақлаб қолди.

Энг юқори ўсишни «Гарант Банк» қайд этиб, рейтингда бирданига 6 поғонага, яъни 14-ўриндан 8-ўринга кўтарилди. Шу билан бирга, «Ҳаёт Банк», «Мадад Инвест Банк» ва «Пойтахтбанк» ўз натижаларини 3 поғонага ёмонлаштирди.

Индекс йўналишлари бўйича асосий ўзгаришлар

Энг сезиларли ўрин алмашишлар молиявий воситачилик, капитал етарлилиги ва активлар сифати йўналишларида кузатилди. Банкларнинг келгусидаги ўринларини мустаҳкамлаши кредит портфеллари сифати, рискларни бошқариш ва молиявий натижалар барқарорлигига боғлиқ бўлади.