iPhone 18 Pro Max ва Galaxy S26 Ultra мустаҳкамлик бўйича ўзаро таққосланди
iPhone 18 Pro Max ва Galaxy S26 Ultra чидамлилик бўйича ўзаро солиштирилди
PhoneBuff YouTube-канали муаллифлари iPhone 18 Pro Max ва Galaxy S26 Ultra смартфонларини чидамлилик бўйича синовдан ўтказишди.
Биринчи синов смартфонларни бир метр баландликдан тушириб юбориш бўлди. Иккала қурилманинг ҳам орқа панелидаги шишаси ёрилди, бироқ Apple флагмани яхшироқ сақланиб қолди. Samsung телефони ташқи кўринишдан сезиларли даражада кўпроқ шикастланди.
Иккинчи раундда қурилмалар бурчаги билан тушириб юборилди. Иккала смартфоннинг ҳам алюминий рамкалари тирналди, аммо iPhone 18 Pro Max’нинг шикастланиши жиддийроқ бўлди — хусусан, сезиларли даражада пачоқланган жойлар пайдо бўлди. Ушбу босқичда Galaxy S26 Ultra ўзини яхшироқ кўрсатди.
Учинчи синов — экран билан пастга тушиш — ҳал қилувчи бўлди. iPhone дисплейи бутун қолди, Galaxy’ники эса чил-чил бўлди. Бундан ташқари, унда бармоқ изи сканери ишламай қолди.
Кейинги раундларда баландлик 1,5 метргача оширилди, аммо вазият деярли ўзгармади. Қизиғи шундаки, iPhone 18 Pro Max экрани фақат олтинчи ва охирги йиқилишдан кейингина ёрилди.
Синов якунларига кўра, iPhone 18 Pro Max 56 балл тўплаб, 53 балл олган Galaxy S26 Ultra’ни ортда қолдирган ҳолда етакчига айланди.
Ушбу дроп-тестни қатъий илмий деб бўлмайди, бироқ у смартфонлар тасодифан йиқилиб тушганда нима содир бўлиши мумкинлиги ҳақида умумий тасаввур беради. Таъкидлаш жоизки, иккала қурилма ҳам ғилофсиз синовдан ўтказилди, шунинг учун реал ҳаётда ҳимоя ғилофи билан улар, шубҳасиз, янада чидамлироқ бўлади.