Интел аксиялари салбий прогноз ортидан 23 фоизга қулади
АҚŞнинг Интел компанияси аксиялари компютер бозоридаги пасайиş ва келгуси туşум бöйиçа салбий прогноз ортидан 23 фоизга арзонлаşди. Хотира çипларининг тақçиллиги ва бутловçи қисмлар қимматлаşуви ноутбук ҳамда стационар компютерлар савдосига босим öтказмоқда. Компания бу қийинçиликлар 2027-йилда ҳам давом этиşини кутмоқда.
Интел аксиялари салбий прогноздан сўнг 23 фоизга тушиб кетди
Интел ҳисоб-китобларига кўра, дунё бўйлаб шахсий компютерлар савдоси 2026-йилда 12 фоизга, 2027-йилда эса яна 10 фоизга қисқариши мумкин. Бозордаги сустлик камида келаси йилнинг биринчи ярмигача давом этиши кутилмоқда.
Бунинг асосий сабабларидан бири — хотира чиплари етишмаётгани ва уларнинг нархи кескин ошгани. Ноутбук ва стационар компютер ишлаб чиқарувчилари учун бутловчи қисмлар қимматлашмоқда. Бу тайёр қурилмалар нархини ҳам ошириб, харидорлар талабини пасайтиряпти. Натижада компютерлар учун Интел процессорларига эҳтиёж ҳам камаймоқда.
Аксиялар қулашига 29-октабр куни асосий биржа савдолари якунлангандан кейинги қўшимча савдоларда гувоҳ бўлинди. Компания тўртинчи чоракда 15–16 миллиард доллар тушум олишни прогноз қилган. Таҳлилчилар эса ўртача 17,07 миллиард доллар кутган эди. Бир аксияга тўғри келадиган тузатилган фойда прогнози ҳам кутилмалардан паст бўлиб, 43 сент ўрнига 25 сентни ташкил этди.
Шунга қарамай, Интелънинг учинчи чорак натижалари ўсишни кўрсатган. Компания тушуми ўтган йилнинг шу даврига нисбатан 21 фоизга кўпайиб, қарийб 16,5 миллиард долларга етган. Бир аксияга тўғри келадиган тузатилган фойда 52 сентни ташкил этиб, таҳлилчилар кутганидан юқори бўлган.
Бироқ компаниянинг турли йўналишларида вазият бир хил эмас. Маълумотлар марказлари ва сунъий интеллект йўналишидаги тушум 78 фоизга ошиб, 7,3 миллиард долларга етган. Шахсий компютерлар учун чиплар йўналишида эса тушум 5 фоизга камайиб, 8,1 миллиард долларга тушган.
Ишлаб чиқаришдаги узилишлар ҳам компания аҳволини қийинлаштирмоқда. Октабрда Интелънинг Исроилдаги Кирят-Гат заводида содир бўлган, икки киши ҳалок бўлган портлаш ортидан корхона икки ҳафта ишламаган. Компания баҳосига кўра, бу ҳодиса икки чорак давомида жами қарийб 600 миллион долларлик тушум йўқотилишига олиб келиши мумкин. Узилиш сунъий интеллект серверлари учун чип етказиб бериш имкониятларини ҳам чекламоқда.