ИнфинБАНК 300 млн долларлик еврооблигацияларни жойлаштириш бўйича келишув имзолади
Самарқанддаги «С5+1» учрашуви доирасида ИнфинБАНК ва АҚШнинг Оппенҳеимер & Со. Инс. инвестиция банки ўртасида 300 млн долларлик еврооблигацияларни жойлаштириш бўйича келишув имзоланди.
ИнфинБАНК 300 млн долларлик еврооблигацияларни жойлаштириш бўйича келишув имзолади
Банк маълумотига кўра, ИнфинБАНКнинг асосий аксиядори Фарҳод Маматджанов ҳамда Оппенҳеимер & Со. бош ижрочи директори Макс Лами ўртасида битимларни алмашиш маросими ўтказилган.
Маросимда АҚШ Савдо вазирининг глобал бозорлар бўйича ёрдамчиси, АҚШ ва хорижий мамлакатлар тижорат хизмати бош директори Девид Фогел ҳамда Ўзбекистон инвестициялар, саноат ва савдо вазири Лазиз Қудратов қатнашган.
Банкнинг билдиришича, жалб қилиниши режалаштирилаётган маблағлар Ўзбекистон иқтисодиётининг реал секторидаги лойиҳаларни узоқ муддатли молиялаштириш имкониятларини кенгайтиришга хизмат қилиши кутилмоқда.