«Илгари пулларни чемоданларда чет элга олиб чиқиб кетишга ҳаракат қилишарди». Мирзиёев — Янги Toshkent’га киритилаётган инвестициялар ҳақида
Беш йил аввал тадбиркорлар пулларни чет элга чемоданларда олиб чиқиб кетишни афзал кўрарди, деди Ўзбекистон президенти. У инвесторнинг Янги Тошкентдаги умумий қиймати 510 миллион долларлик лойиҳалар ҳақидаги ҳикоясига шундай муносабат билдирди. Давлат раҳбари бизнесменларни мамлакатга фахр билан инвестиция киритишга чақирди.
«Илгари пулларни чемоданда чет элга олиб чиқиб кетишга ҳаракат қилишарди». Мирзиёев — Янги Toshkent’га инвестициялар ҳақида
Ўзбекистон президенти Шавкат Мирзиёев 12 октябрь куни Янги Toshkent’да тадбиркорлар ва инвесторлар билан учрашувда йирик қурилиш лойиҳаларининг боришини ва мамлакатда бизнеснинг инвестицияларга бўлган муносабати қандай ўзгараётганини муҳокама қилди.
UET Construction бизнесни ривожлантириш бўйича директори Баҳодир Мирзараимов компания Янги Toshkent’даги ер аукционларининг илк иштирокчиларидан бири бўлгани ва 2024 йил сентябрида ер участкасини харид қилганини маълум қилди.
Унинг сўзларига кўра, биринчи лойиҳа бошланишида компанияда унинг истиқболлари ва муваффақиятига шубҳалар бўлган.
«Қисқа вақт ичида сизнинг раҳбарлигингизда Янги Toshkent шиддат билан ривожлана бошлади ва бугунги кунда инвесторлар, тадбиркорлар ва аҳолининг қизиқиши ҳамда ишончини уйғотмоқда», — деди Мирзараимов президентга мурожаат қилиб.
У ушбу лойиҳа компания учун энг муваффақиятли ва даромадли лойиҳалардан бири бўлиб чиққанини таъкидлади. Бугунги кунга қадар унга 60 млн долларга яқин маблағ киритилган.
Бундан ташқари, компания Янги Toshkent’да яна бир нечта лойиҳаларни амалга оширмоқда. Уларнинг умумий эълон қилинган қиймати 510 млн долларни ташкил этади, деб таъкидлади тадбиркор.
Бунга жавобан Шавкат Мирзиёев беш йил олдин бундай инвестиция ҳажмини тасаввур қила олармиди, деб қизиқди.
«Баҳодир, битта савол. Сенга ўхшаган ёш, бақувват тадбиркорларни кўрганимда, кайфиятим қандай кўтарилишини биласанми? Беш йил олдин 510 млн доллар инвестиция киритишингга ўзинг ишонармидинг?» — деб сўради президент.
«Йўқ, албатта, ишонмасдим», — деб жавоб берди тадбиркор.
«Тўғри. Пулинг балки бўларди, лекин ҳамма уни чемоданга солиб, самолётлар билан чет элга олиб чиқиб кетишга ҳаракат қиларди. Лекин, Баҳодир, сенинг ниятларингни ва айтаётган гапларингни кўриб хурсандман», — деди Шавкат Мирзиёев.
Президент унинг вазифаси — мамлакатда тадбиркорларни ривожлантириш ва йирик инвесторлар сонини ошириш учун шароит яратиш эканини таъкидлади.
«Менинг мақсадим — сенга ўхшаган фарзандларимиз кўпайиши, сизлар кучли бўлишингиз учун шароит яратиш. Сизлар бизнинг янги, жонажон Ватанимизни, Янги Ўзбекистонимизни, Янги Toshkent’имизни қурмоқдасизлар», — деди давлат раҳбари.
У шунингдек, тадбиркорларни амалга оширилаётган лойиҳалар билан фахрланишга чақирди.
«Мен сизлардан яна ва яна бир нарсани сўрамоқчиман: буни фахр билан қилинглар. Меҳнатингиз албатта мукофотланади. Чунки биз буни халқ учун, миллат учун, келажагимиз учун, эртанги кунимиз учун, фарзандларимиз учун қиляпмиз», — деди президент.
Суҳбат якунида Шавкат Мирзиёев тадбиркорнинг муаммолари бор-yo‘қлигини сўради.
«Йўқ, ҳеч қандай», — деб жавоб берди Мирзараимов.
Президент унга ишларида муваффақиятлар тилади.
Кўрсатилган лойиҳалар орасида — Талимаржон ИЭСда 900 МВт ва Навоий ИЭСда 650 МВт қувватга эга буғ-газ қурилмалари, Қашқадарё ва Бухоро вилоятларида ҳар бири 500 МВт қувватга эга қуёш электр станциялари қурилиши, шунингдек Андижон вилоятидаги 220 кВ кучланишли «Лочин» подстанциясини модернизация қилиш бор.
Сайтда шунингдек, Фарғона, Андижон ва бошқа вилоятларда электр энергиясини сақлаш тизимлари лойиҳалари, янги подстанциялар ва юқори кучланишли электр узатиш тармоқлари қурилиши кўрсатилган.
Фуқаролик қурилиши соҳасида компания Соғлиқни сақлаш вазирлиги ва Энергетика вазирлигининг янги бинолари лойиҳаларини, шунингдек Янги Toshkent’да — №7, №8 ва №33a-33b сонли ер участкаларида учта лойиҳани эълон қилмоқда.
Orginfo.uz маълумотларига кўра, 2026 йилда у пойтахтни иссиқлик билан таъминлаш билан боғлиқ «Toshkent issiqlik markazi» МЧЖнинг бир қатор тендерлари ғолиби бўлган. Хусусан, компания сув иситиш қозонларининг дудброн қувурларини тайёрлаш ва ўрнатиш учун 9,84 млрд сўмлик, қувурлар ва ускуналарнинг иссиқлик ҳимояси тизимларини мукаммал таъмирлаш учун 10,05 млрд сўмлик, шунингдек ПТВМ-50 русумли иккита сув иситиш қозонини таъмирлаш учун 9,46 млрд сўмлик буюртмаларни олган.
Корхоналар реестри маълумотларига кўра, UET Construction МЧЖ 2023 йил 7 апрелда Тошкентда рўйхатдан ўтказилган. Компания фаолиятининг асосий тури — электр энергияси ва телекоммуникация тақсимлаш объектларини қуриш. Устав капитали миқдори 1,73 млрд сўмни ташкил этади.
Компания муассислари Ҳафизжон Ғафуров (63%) ва Акмалхон Ҳайдархонов (37%) ҳисобланади. Раҳбар сифатида Озгюр Сарыкая кўрсатилган. Компания йирик корхоналар категориясига киради.
Шу билан бирга, президент билан учрашувда UET Construction бизнесни ривожлантириш бўйича директори сифатида чиқиш қилган Баҳодир Мирзараимов унинг муассислари орасида йўқ. Orginfo.uz маълумотларига кўра, у бешта компания муассислари қаторида кўрсатилган: UET Group, Energyproject Invest Group, Energetic Resources, Cravetech ва UNN Power Group.
Хусусан, Мирзараимовга 2023 йил 7 апрелда рўйхатдан ўтказилган UET Group’нинг 100% улуши тегишли. Компания фаолиятининг асосий тури — бошқа маиший товарлар улгуржи савдоси. Унинг устав капитали 230 млн сўмни ташкил этади.
Eслатиб ўтамиз, UET Construction энергетика ва инфратузилма қурилиши соҳасида ишлайди. 2024 йилда компания Чирчиқ металл қотишмалари заводини 39,9 млрд сўмга харид қилган эди, 2025 йилда эса улуши UET Construction’га тегишли бўлган UET Invest компанияси «Автоойна» автоойналар ишлаб чиқарувчисидаги 100% давлат улушини хусусийлаштириш бўйича савдоларда 200,5 млрд сўм билан ғолиб чиқди. Давактив маълумотларига кўра, UET Construction’нинг 2024 йилдаги соф фойдаси 300 млрд сўмга яқинни ташкил этди. Компания шунингдек Янги Toshkent объектлари қурилишида ҳам иштирок этмоқда.