Hello Kitty ишлаб чиқарувчиси Хитойдаги норозиликлардан сўнг Япония жосуслик драмаси билан ҳамкорликни тўхтатди

Hello Kitty ишлаб чиқарувчиси Хитойдаги норозиликлардан сўнг Япония жосуслик драмаси билан ҳамкорликни тўхтатди

Hello Kitty бренди эгаси бўлган Sanrio компанияси Япониянинг баҳсли ТВ-шоуси билан товар ҳамкорлигини тўхтатди ва Хитойдаги норозиликлардан сўнг кечирим сўради.

Оммабоп жосуслик триллери бўлмиш Vivant Хитой давлат ОАВлари ва ижтимоий тармоқ фойдаланувчилари томонидан Хитой агентларининг япониялик оператив ходимга нисбатан шафқатсиз қийноқ усулларини қўллагани тасвирлангани учун кескин танқидга учради.

Норозилик тўлқини дунё бўйлаб севилган Hello Kitty ва унинг дўстлари, жумладан My Melody ҳамда Cinnamoroll’га ҳам етиб борди, чунки улар шоу қаҳрамонлари либосидаги маҳсулотларда пайдо бўлган эди.

Sanrio Vivant билан ҳамкорликни унда "Sanrio’нинг асосий қадриятларига мос келмайдиган элементлар мавжуд" деган хулосага келганидан сўнг тугатганини маълум қилди.

"Тайёрланганидан бери Sanrio ўз қаҳрамонларидан ғамхўрлик ва ўзаро боғлиқлик каби қадриятларни етказиш учун изчил фойдаланиб келмоқда ва барча инсонлар ўртасида аҳилликни тарғиб қилиш бўйича корпоратив фалсафасига содиқ қолади", дейилади Sanrio’нинг чоршанба куни кечқурун эълон қилинган баёнотида.

"Биз ушбу ҳодиса бўйича олинган фикр-мулоҳазаларга жуда жиддий қараймиз. Келажакда барча ҳамкорлик лойиҳаларини текшириш жараёнларини кучайтирамиз."

Япония Бош вазири Санаэ Такаитининг ўтган йилнинг ноябрида Тайвань бўйича берган баёноти дипломатик можарога сабаб бўлганидан бери Хитой-Япония муносабатлари сўнгги йиллардаги энг паст даражага тушиб кетди.

Парламентдаги саволга жавобан Такаити, агар Хитой Тайванга ҳужум қилса, Япония ўз ўзини мудофаа кучларини сафарбар этиши мумкинлигини шама қилган эди.

Ўшандан бери Пекин Токиога сиртмоқни торайтирмоқда — сиртлоқ камёб ер металлари экспортни чеклашдан тортиб туризмни камайтириш ва ҳатто пандаларини қайтариб олишгача бормоқда.

Такаити шу ой бошида парламентга Vivant қисмларини ёзиб олганини ва уларни йил якунидаги таътилда томоша қилиш ниятида эканини айтган эди.

Давлат томонидан бошқариладиган Global Times чоршанба куни Sanrio компаниясини танқид қилиб, жуда оммабоп бўлган мушукча қаҳрамони "Япониянинг ўнг қаноти билан рақсга тушмаслиги керак"лигини таъкидлади.

Санрио "аксилҳитой мазмуни" билан ишлаш орқали "қисқа муддатли сотувлардан кўра анча кўпроқ нарсани йўқотиш хавфи остида", дейилади Global Times мақоласида. "Унинг узоқ вақт давомида шаклланган ишончи ва эътибори ҳам путур етказади."

Hello Kitty сўнгги кунларда Хитойда шундай ғазабга дуч келган ягона дунёга машҳур симо эмас.

Шу ҳафта бошида бир нечта Хитой брендлари франциялик футболчи Килиан Мбаппе билан ҳамкорликни унинг марҳум Хитой етакчиси Мао Цзэдун ҳақида айтган гаплари учун тўхтатди — кейинчалик у бунинг учун кечирим сўраган.

Vivant халқаро жиноятчилик ва жосуслик тармоғига тушиб қолган япониялик оддий хизматчи ҳақида ҳикоя қилади.

2023 йилда эфирга узатилган биринчи мавсум Марказий Осиёдаги хайалий мамлакатда бўлиб ўтган. Июль ойида премьераси бўлиб ўтган иккинчи мавсумда Хитой агентлари япониялик жосуснинг бармоқларини кесиб ва қорнига пичоқ уриб қийноққа солаётгани кўрсатилган.

Хитой давлат ОАВлари, жумладан CCTV, бу усуллар тарихан Япония қўшинлари томонидан хитойликларга қарши қўлланилган усуллар билан "кучли даражада мос келишини" ва драма "ҳақиқатни бузиб кўрсатишини" айтди.

Vivant намойиш этиладиган TBS телетармоғи президенти Масамине Рюхо чоршанба куни шоу бутунлай хайалий эканини ва "ҳеч бир муайян мамлакатни камситиш" нияти бўлмаганини билдирди.