Ҳарри Кейн «Олтин тўп» соҳиби бўлди
Кейн 25 йил ичида «Олтин тўп»ни қўлга киритган илк англиялик футболчи бўлди. Иккинчи ўринни Килиан
Ҳарри Кейн «Олтин тўп» соҳибига айланди
Мюнхеннинг «Бавария» клуби ва Англия терма жамоаси ҳужумчиси Ҳарри Кейн Франсе Фоотбалл журнали, УЕФА ва ЛъÉқуипе ҳамкорлигида мавсумнинг энг яхши футболчисига бериладиган «Олтин тўп» — 2026 мукофотини қўлга киритди.
Анъанавий равишда Франсияда ўтказиб келинадиган тақдирлаш маросими бу сафар илк бор Лондоннинг «Палладиум» театрида бўлиб ўтди. Совринни икки карра жаҳон чемпиони ва «Олтин тўп»нинг икки карра соҳиби бўлган бразилиялик Роналдо топширди. Кейн бу мукофотни фаолиятида биринчи марта олди.
2025/2026 йилги мавсумда Кейн «Бавария» билан Германия Суперкубоги, Германия кубоги ва Бундеслига чемпионлигини қўлга киритди. Англия терма жамоаси таркибида эса 2026 йилги жаҳон чемпионатининг бронза медалига эга бўлди. У 2025 йил августидан 2026 йил июлигача бўлган даврда «Бавария» ва Англия терма жамоаси сафида 65 та ўйинда 73 та гол урди.
Овоз бериш якунларига кўра, иккинчи ўринни Мадриднинг «Реал» клуби ва Франсия терма жамоаси ҳужумчиси Килиан Мбаппе эгаллади. Кучли учликни эса «Барселона» ва Испания терма жамоаси ҳужумчиси Ламин Ямал якунлади.
Кейн 25 йил ичида «Олтин тўп»ни қўлга киритган илк англиялик футболчи бўлди. 2001 йилда бу мукофот Майкл Оуенга насиб этган эди. Кейн тарихда «Олтин тўп»га сазовор бўлган бешинчи англиялик футболчи ҳисобланади.
Шунингдек, у сўнгги 30 йил ичида Германия Бундеслигасида тўп сурадиган клуб футболчилари орасида «Олтин тўп»ни қўлга киритган илк футболчи бўлди.
«Олтин тўп» ҳар йили Франсе Фоотбалл франсуз журнали томонидан топширилади. Ўтган йили ушбу мукофотга ПСЖ ва Франсия терма жамоаси ҳужумчиси Усмон Дембеле сазовор бўлган эди.