Ҳарри Кейн “Бавария” билан шартномасини 2029-йилгача узайтирди
Янги шартномага кўра, у Европада энг кўп маош оладиган футболчига айланди.
Ҳарри Кейн “Бавария” билан шартномасини 2029-йилгача узайтирди
Ҳужумчи Ҳарри Кейн “Бавария” клуби билан янги шартнома имзолади. Бу ҳақда “Бавария”нинг расмий веб-сайтида маълум қилинди. Келишув 2029-йил 30-июнгача амал қилади.
“2023-йил ёзида Мюнхен клубига келганидан бери Англия терма жамоаси сардори иккита Бундеслига чемпионлиги, битта Германия кубоги ва иккита Франс Беккенбауер Суперкубогини қўлга киритди. У ҳозиргача 161 та расмий учрашувда майдонга тушиб, 156 та гол урди. Кейн Германия чемпионати ва Европада бир қатор рекордларни янгилади ва ўтган ҳафта дунёнинг энг яхши футболчиси деб топилди“, дейилади клуб баёнотида.
“Мен ъБаварияъда ўзимни уйимдагидек ҳис қиламан. Менга клуб, мухлислар ва Мюнхен шаҳри жуда ёқади. Бизда ажойиб мураббий Винсент Компани бощилигидаги ажойиб жамоа бор. Мен бу клубнинг бир қисми эканлигимдан жуда фахрланаман. Бутун оилам бу ерда бахтли. Мен қолишни хоҳладим. Энди мен келажакка оптимистик қарайман ва бу буюк клуб билан яна кўплаб унвонларни қўлга киритишни истайман“, деди Кейн.
Янги шартнома билан Ҳарри Кейн нафақат “Бавария”да, балки бутун Европада энг кўп маош олувчи футболчига айланди. Маълумотларга кўра, унинг йиллик маоши тахминан 25 миллион еврони ташкил этади.