Гоогле йилнинг энг оммабоп эможисини эълон қилди
Гоогле бутун дунё бўйлаб фойдаланувчилар Андроид смартфонларидаги Гбоард клавиатураси орқали киритган 665 миллионта эможини таҳлил қилиб, 2025-йилда қайси смайлик энг оммабоп бўлганини аниқлади.
Гоогле йилнинг энг машҳур эможисини маълум қилди.
Биринчи ўринни "шаррос кўз ёши тўкаётган юз" - 😭 эгаллади. Бу эможи аввалги етакчилар – "қувонч кўз ёшлари билан кулаётган юз" 😂 ва "кулгидан думалаётган юз" 🤣 ни ортда қолдирди.
Шуни алоҳида таъкидлаш керакки, "шаррос кўз ёши тўкаётган юз" эможиси фақатгина ҳақиқий қайғуни ифодалаш учун ишлатилмайди. Ёзишмаларда бу белги кулги, кучли ҳайрат, ноқулайлик, завқланиш ёки ҳис-туйғуларнинг ҳаддан ташқари кўплигини англатиши мумкин. Гоогле тадқиқотчилари ушбу белгининг оммалашиб бораётганини зумерларнинг одатлари билан боғламоқда – бир йил ичида ундан фойдаланиш 37 фоизга ошган.
Ўсмирлар ва зумерлар "қувонч кўз ёшлари билан кулаётган юз" ва "кулгидан думалаётган юз"ни тобора камроқ танламоқда – улар учун бу эможилар ҳаддан ташқари сийқаси чиққан. Тадқиқотчилар бу ўзгаришни ёшларнинг эски эможилар маъносини қайта англаб етаётгани билан изоҳлашади.
Катта авлод вакиллари учун бу белгилар ҳамон самимий кулгини кўрсатишнинг тушунарли усули бўлиб қолаётган бўлса, ёш фойдаланувчилар эса кўпроқ драматик ёки абсурд вариантларни афзал кўришади.
Ўнталикка яна нималар кирди?
* 😭 - шаррос кўз ёши тўкаётган юз;
* 🤣 - кулгидан думалаётган юз;
* 😂 - қувонч кўз ёшлари билан кулаётган юз;
* ❤️ - қизил юрак;
* 🙏 - туташган кафтлар;
* 😘 - бўса юбораётган юз;
* 🥰 - юракчалар билан табассум қилаётган юз;
* 👍 - бош бармоқ юқорига;
* 😍 - кўзлари юракча бўлган юз;
* 😁 - кўзлари ёпиқ ҳолда тиржаяётган юз.
Гооглеънинг таъкидлашича, эможилар ёрдамида мулоқот қилишнинг усуллари ҳам ўзгармоқда: одатий белгилар янги маъноларга эга бўлмоқда, эскилари эса аста-секин замонавий интернет маданиятига яхшироқ мос келадиганларига ўз ўрнини бўшатиб бермоқда.