Google Street View’да Тошкент панорамалари янгиланди
Тошкент шаҳри ҳокимияти ташаббуси билан Google Maps платформасида шаҳар кўчалари ва сайёҳлик объектларининг 360 даражали панорамали тасвирларини янгилаш бошланди. Google Street View хизматидаги тасвирларнинг аксарияти тахминан беш йил олдин олинган бўлиб, шаҳарнинг ҳозирги қиёфасини акс эттирмайди.
Google Street View’да Тошкент панорамалари янгиланди
Google Maps платформасида Тошкентнинг гавжум кўчалари ва туристик объектларини 360 даражали кўринишда қамраб олувчи панорамали фотосуратлар ва видеоматериалларни янгилаш бошланди. Лойиҳа пойтахт ҳокимлиги ташаббуси билан амалга оширилмоқда, деб хабар берди ҳокимлик матбуот хизмати.
Хабарда таъкидланганидек, Google Street View сервисидаги мавжуд тасвирларнинг аксарияти тахминан беш йил олдин олинган бўлиб, шаҳарнинг ҳозирги қиёфасини акс эттирмайди. Хусусан, Tashkent City суратларида қурилиш ишлари кўриниб турибди, ваҳоланки, маҳаллада қурилиш ишлари аллақачон якунланган.
Биринчи босқичда лойиҳа марказий кўчалар, боғлар ва энг кўп ташриф буюриладиган туристик объектларни қамраб олади. Келгусида уни цел Тошкент ҳудудига ёйиш режалаштирилган. Панорамаларни кўриш мумкин бўлган кўчалар ва жойлар мовий ранг билан белгиланган.
«Чунки бу платформадан бутун дунё бўйлаб миллионлаб туристлар фойдаланади. Лойиҳанинг амалга оширилиши туфайли саёҳатчилар мамлакатимизга келишдан олдинроқ Тошкент кўчаларида виртуал сайр қилишлари, унинг диққатга сазовор жойлари билан танишишлари ва саёҳатларини олдиндан режалаштиришлари мумкин бўлади», — дейилади ҳокимлик хабарида.
Сайт ёрдамида Tashkent City боғи, Амир Темур хиёбони ва бошқа жойларда «сайр қилиш» мумкин. Панорамалар, шунингдек, Тошкентга киришдаги баъзи автомобиль йўлларини ҳам қамраб олган — масалан, Янгийўл томондан.