Глобал IE бизнес-мактаби ABB Банкининг трансформация тажрибасини ўқув кейсига айлантирди
Дунёнинг энг нуфузли бизнес-мактабларидан бири бўлмиш IE Business School’да ABB Банкининг трансформацияланиш тажрибасини ўқув кейси форматида ўрганиш бошланди.
Глобал IE бизнес-мактаби ABB Банкининг трансформация тажрибасини ўқув кейсига айлантирди
IE Business School профессори Антонио Сабалета Морено (Antonio Zabaleta Moreno) томонидан тайёрланган кейс «ABB Банки ривожланишининг янги босқичи: ўсиш кўлами ва траекториясини танлаш» (ABB Bank’s next frontier: Choosing the scope and path of growth) деб номланди.
Унда талабаларга реал бизнес-мисол форматида Банк томонидан сўнгги йилларда муваффақиятли амалга оширилган стратегик ва рақамли трансформация жараёни, ABB Банкига Agile операцион моделининг жорий этилиши, технологик янгиланиш ва сунъий интеллектга асосланган ривожланиш йўналишлари тақдим этилган.
Кейс ABB Банкининг 2016 йилдаги мураккаб вазиятдан кенг кўламли трансформация туфайли ривожланишнинг янги босқичигача бўлган йўлини, шунингдек, Банкнинг 2026–2028 йилларга мўлжалланган стратегик мақсадларини тавсифлайди.
Материални тайёрлашда профессор Антонио Сабалета Морено ABB Банки трансформацияси натижаларини акс эттирувчи аниқ кўрсаткичлардан фойдаланган. Улардан бири Банк мобил иловаси фойдаланувчилари сонининг беш йил ичида 16 баравар кўпайиши бўлди. Хусусан, ABB mobile фойдаланувчилари сони 2020 йилдаги тахминан 171 мингдан 2025 йилда 2,6 миллионгача ўсди. Илова рейтинги 1,2 дан 4,9 гача кўтарилди, ABB Банки мижозларининг рақамли каналлардан қониқиш кўрсаткичи (NPS) эса 48 дан 77 гача кўтарилди.
Банк, шунингдек, Agile-трансформацияни ҳам муваффақиятли амалга оширди. Ҳозирда ABB Банкида 14 та Agile-йўналиш ва 80 дан ортиқ Agile-жамоа фаолият юритмоқда. Мослашувчан ёндашувларнинг жорий этилиши туфайли ABB Банкида янги маҳсулотни ишлаб чиқиш ва бозорга чиқариш муддати 243 кундан 59 кунгача қисқарди.
Банк томонидан 2019 йилда ташкил этилган ABB Tech Academy-ни 1 113 дан ортиқ битирувчи тамомлади, уларнинг 83 фоизи иш билан таъминланди.
Кейсда ABB Банки ривожланишининг кейинги босқичидаги асосий йўналишлар сифатида сунъий интеллектга асосланган ечимларни кенг жорий этиш, рақамли имкониятларни кенгайтириш, янги бозорларга чиқиш, шунингдек, Банкнинг lifestyle-ҳамкор сифатидаги позицияси доирасида мижозларнинг кундалик ҳаётига интеграциялашган хизматларни ривожлантириш кўриб чиқилади.
ABB Банки Бошқаруви раиси Аббас Ибрагимов шундай деди:
«ABB Банки босиб ўтган трансформация йўли энди нафақат Банк ривожланиши тарихининг бир қисми, балки халқаро бизнес-мактабда ўрганилаётган реал бошқарув тажрибасига айланди. Бу натижа ортида жамоамизнинг кўп йиллик қатъияти, ўзгаришларга очиқлиги ва энг яхшисини яратишга интилиши турибди. Бу биз учун катта фахрдир».