Глинка кўчасида йўл ўпирилиши сабабли ҳаракат чекланди. Видео
Глинка кўчасида йўл ўпирилиши сабабли ҳаракат чекланди. Видео
Тошкентнинг Яккасарой туманидаги Глинка кўчасида транспорт воситаларининг ҳаракати вақтинчалик чекланди. Бунга йўл қопламасининг шикастланиши сабаб бўлди — гувоҳларнинг сўзларига кўра, қатнов қисмида баланд портлаш овозидан кейин ўпирилиш ҳосил бўлган.
Пойтахт ҳокимлиги вазиятни алоҳида назоратга олди. Воқеа жойида тегишли хизматлар ва мутахассислар ишламоқда, улар ҳодиса сабабларини аниқламоқда, оқибатларини бартараф этмоқда ва шикастланган қисмда тиклаш ишларини олиб бормоқда.
Гувоҳлар ҳодиса иссиқлик трассасининг шикастланиши билан боғлиқ бўлиши мумкинлигини тахмин қилишди. Бунга жавобан Veolia Energy Tashkent компанияси авария-тиклаш бригадаси ва корхона мутахассислари зудлик билан воқеа жойига етиб келганини маълум қилди. Улар ҳодиса тафсилотлари ва сабабларини аниқламоқдалар. Шу билан бирга, айни пайтда ҳеч қандай сизиб чиқиш ҳолатлари қайд этилмаган.
Ҳодиса оқибатида бир киши енгил тан жароҳати олди. Унга ўз вақтида тиббий ёрдам кўрсатилди.
Ҳайдовчилардан йўналишларни режалаштиришда йўлнинг ёпилганлигини ҳисобга олишлари ва имкон қадар муқобил йўлларни танлашлари сўралади.
Ҳодисанинг барча тафсилотлари аниқланмоқда. Ҳокимлик вазият ва кўрилаётган чора-тадбирлар тўғрисида текширилган ва тасдиқланган маълумотлар келиб тушишига қараб жамоатчиликни хабардор қилиб боришини маълум қилди.