Германиядаги ёвойи табиат боғида бўри ҳужум қилиши оқибатида қиз оғир жароҳат олди
Саккиз ёшли қизчага ҳужум қилинганда, у бошқа болалар ва ходим билан бирга ўралган майдонда эди.
Германиядаги ёвойи табиат паркида бўри ҳужуми оқибатида қизча оғир жароҳатланди
Германиядаги ёвойи табиат паркида бўри ҳужум қилиши оқибатида саккиз ёшли қизча оғир жароҳат олди.
Полициянинг маълум қилишича, ҳужум содир бўлган вақтда қизча Берлиннинг жанубида жойлашган Бранденбургдаги Ёҳаннисмюле паркининг қафаси ичида ходим ва бошқа икки нафар бола билан бирга бўлган.
Билдиришномада айтилишича, "ҳодисанинг аниқ ҳолатлари бўйича полиция томонидан суриштирув ишлари олиб борилмоқда".
Чоршанба куни содир бўлган ҳодисадан сўнг қизча вертолётда касалхонага етказилган. Бошқа ҳеч ким жароҳат олмаган.
Парк веб-сайтига кўра, Барут/Марк шаҳарчасида жойлашган ушбу маскан вақтинча ёпилган ва 2 ноябрь куни қайта очилиши кутилмоқда, бироқ бошқа тафсилотлар берилмаган.
Паркда ку Kulранг ва арктика бўрилари, шунингдек, қўнғир айиқ ва силовсин каби бошқа ҳайвонлар сақланади.
Германиянинг Bild гезетасининг ёзишича, қизча камида битта ҳайвон томонидан жароҳатланган ва бошидан жароҳат олган.
Нашрнинг хабар қилишича, ҳодиса парк маҳаллий вақт билан соат 10:00 да (Гринвич бўйича 09:00) очилишидан олдин содир бўлган ва қизча махсус экскурсияда иштирок этаётган бўлиши мумкин.
Ёҳаннисмюле ташриф буюрувчиларга баъзи ҳайвонлар билан вақт ўтказиш имконини берувчи кичик гуруҳлар учун турларни таклиф этади, унинг веб-сайтида бўриларни озиқлантириш ёки ламани силаш ҳақида эслатиб ўтилган.
Ушбу ҳодиса Европанинг ҳайвонот боғлари ва ёвойи табиат паркларида содир бўлган бошқа бир қатор ҳайвонлар ҳужумидан сўнг юз берди.
Шу ҳафта Голландия ҳайвонот боғи назоратчиси қоплон ҳужуми оқибатида вафот этди, шунингдек, шу ой бошида Ёркшир ёвойи табиат паркида бир эркак йўлбарс томонидан ўлдирилган эди.