Германияда илк бор аёл президент сайланиşи мумкин
Германия канслери Фридрих Мерс мамлакатнинг навбатдаги президенти лавозимига аёл номзодни илгари суриş ниятида. Унинг бу қарорини ҳукуматдаги коалиция ҳамкори - Социал-демократик партия ҳам қöллаб-қувватлади. Германия Федератив Республикасининг 77 йиллик тарихида ҳали бирор аёл президент бöлмаган.
Германияда илк бор аёл президент сайланиши мумкин
Канслер ўзи раҳбарлик қилаётган партияга марказчи сиёсий кучлар вакили бўлган аёлни ягона номзод сифатида таклиф қилмоқчи.
«Бу айнан аёл бўлиши керак, деган қатъий қарорга келдим», - дея Мерснинг йиғилишдаги сўзларини келтирган агентликлар.
Маълумотларга кўра, канслер учрашувда аниқ бир шахснинг исмини айтмаган. У номзодни Христиан-демократик иттифоқ президиумининг 9-ноябрдаги йиғилишига қадар тақдим этиши кутилмоқда.
Социал-демократлар Мерснинг қарорини маъқуллади
Ҳукмрон коалицияда Христиан-демократик иттифоқ ва Христиан-социал иттифоқ блокининг ҳамкори бўлган Германия социал-демократик партияси Мерснинг қарорини ижобий қабул қилган.
Партиянинг Бундестагдаги фраксияси парламент ишлари бўйича масъули Дирк Визе Рҳеинисче Пост газетасига берган интервюсида канслер таклифини қизиқиш билан кутаётганини айтган.
Визенинг таъкидлашича, у бир неча ойдан буён давлатнинг энг юқори лавозимини аёл эгаллаши тарафдори бўлиб келмоқда. У бундай қарорни қабул қилиш вақти аллақачон етганини билдирган.
«Фридрих Мерс ҳам энди бу заруратни тан олаётганидан хурсандман», - деган сиёсатчи.
Меркел ҳам аёл президент сайланиши тарафдори
Аввалроқ Германиянинг собиқ канслери Ангела Меркел ҳам амалдаги президент Франк-Валтер Штайнмаернинг ўрнини аёл эгаллаши кераклигини айтган эди.
«Германия Федератив Республикасининг 77 йиллик тарихи бор, аммо ҳеч қачон аёл федерал президент бўлмаган», - деган Меркел.
Унинг фикрича, ҳар ким ўзига бунинг вақти келмадимикан, деган саволни бериши керак.
Эҳтимолий номзодлар орасида тўрт аёл сиёсатчининг номи тилга олинмоқда
Христиан-социал иттифоқ раҳбари Маркус Зёдер бир неча ойдан буён Илзе Айгнер номзодини қўллаб-қувватлаб келмоқда. Айгнер Бавария парламенти - ландтаг раиси лавозимида ишлайди.