Германия ракетаси илк бор космосга чиқди: Европа сунъий йўлдошларни мустақил учириш пойгасига қўшилмоқда
Германия ракетаси илк бор космосга чиқди: Европа сунъий йўлдошларни мустақил учириш пойгасига қўшилмоқда
Германияда жойлашган Исар Аероспасе стартапи ўзининг Спеструм ракетасини илк бор муваффақиятли равишда фазога учирди. Парвоз 5-сентябр куни Норвегиянинг Арктикадаги Андойя космодромидан амалга оширилди.
Мутахассислар фикрича, бу ҳодиса Европа учун катта аҳамиятга эга. Сабаби Спеструм континентал Европадан орбитага чиққан илк тижорий ракета бўлди. Шу билан қитъа давлатлари сунъий йўлдошларни ўз ҳудудидан мустақил равишда фазога чиқариш имкониятини кенгайтира бошлади.
Исар Аероспасе парвоз муваффақиятли якунланганини ўзининг Х тармоғидаги саҳифаси орқали билдирди.
Биз орбитадамиз! Ва ҳозиргина Европа тарихига кирдик, дейилади постда.
Норвегия саноат ва савдо вазири Сесилия Мюрсет бу воқеани Европа космик саноати учун муҳим ютуқ деб баҳолади.
Эндиликда Андойядан сунъий йўлдошларни учира оламиз. Бу биз яшаётган нотинч даврда Норвегия ва Европа хавфсизлигини мустаҳкамлайди, деди у.
Спеструм кичик ва ўрта ҳажмдаги юкларни орбитага олиб чиқиш учун ишлаб чиқилган. Исар маълумотига кўра, ракета ўзи билан 5 та кичик сунъий йўлдош ва парвоз давомида синовдан ўтказиладиган технологияни олиб учган.
Таъкидлаш жоиз, бу Исар Аероспасе компаниясининг иккинчи уринишидир. Биринчи уриниш 2025-йилнинг март ойида худди шу космодромдан амалга оширилган. Бироқ ракета учирилганидан кўп ўтмай денгизга қулаб, портлаб кетган. Ўшанда ҳеч ким жабрланмаган.
Аммо компания расмийлари биринчи парвозни ҳам муваффақияцизлик деб ҳисобламаган. Исар муҳандислари ўшанда ракетани такомиллаштириш учун катта ҳажмдаги техник маълумотларни тўплаган.
Исар Аероспасеънинг муваффақияти Европанинг космосга мустақил чиқиш борасидаги саъй-ҳаракатлари фонида юз берди. Германия канслери Фридрих Мерц март ойида компаниянинг Норвегиядаги учириш майдонига ташриф буюрган. Европа давлатлари сунъий йўлдошларни космосга чиқаришда АҚШ каби давлатлар ва компанияларга бўлган қарамликни камайтиришни мақсад қилмоқда.
Ҳозирча глобал бозорнинг асосий ўйинчилари қаторида СпасеХ ва Франсиянинг АрианеГроуп компаниялари бор. СпасеХ ракеталарни АҚШ ҳудудидан учиради. Аирбус ва Сафран ҳамкорлигида ташкил этилган АрианеГроуп қўшма корхонаси эса Жанубий Американинг Франсия Гвианасида жойлашган космодромдан фойдаланади.
Исар Аероспасе ҳам тез суръатларда кенгаймоқда. Компания яқинда Европа космик агентлигидан қарийб 200 миллион евро олганини маълум қилди. Ушбу маблағлар янги ракеталарни ишлаб чиқиш, синов инфратузилмасини кенгайтириш ва келажакда парвозлар сонини кўпайтиришга сарфланади. Германия компанияси айни пайтда Канадада иккинчи ракета учириш майдончасини ҳам қурмоқда.