Францияда 100 дан ортиқ шаҳарларда оммавий намойишлар давом этмоқда

Францияда 100 дан ортиқ шаҳарда оммавий намойишлар давом этмоқда. Вазирлик маълумотларига кўра, шанба кунги юришларда бутун мамлакат бўйлаб 410 минг киши, шу жумладан Парижда 110 минг киши иштирок этди, шу билан бирга пойтахтдаги вазият умуман олганда тинч деб баҳоланди. Бу орада норозилик чиқишлари ташкилотчиларидан бири бўлган CGT касаба уюшмаси ўз рақамларини тақдим этди: унинг ҳисоб-китобларига кўра, кўчаларга 800 минг намойишчи чиққан, шу жумладан Парижда 250 минг киши.

Бир қатор шаҳарларда маҳаллий ҳокимият органлари тартибсизликлар ва вайронгарчиликлар хавфи туфайли намойишлар ўтказишни тақиқлади. Жумладан, юришлар тақиқланган Лионда полиция 150 га яқин фаоллардан иборат гуруҳни тарқатиш учун кўзни ёшлатувчи газни қўллашга мажбур бўлди. Шу билан бирга, Парижда ҳокимият билан келишилган акция одатий режимда ўтмоқда: унда сўлларнинг "Бўйсунмас Франция" партияси аъзолари, жумладан президентликка номзод Жан-Люк Меланшон иштирок этмоқда.

Бундан ташқари, сўнгги кунларда Европанинг бир нечта мамлакатларида полиция билан тўқнашувлар, вайронгарчиликлар ва юзлаб ҳибсга олишлар билан кечган оммавий норозилик намойишлари бўлиб ўтди. Яшаш қийматининг ошиши, ижтимоий харажатларнинг қисқартирилиши, коррупция можаролари ва мактаб формасига қўйиладиган талаблар намойишлар учун баҳона бўлди.