ФҚБнинг собиқ раҳбари Жеймс Коми учинчи бор федерал айбловларга дуч келмоқда
Комининг адвокатларига кўра, ушбу иш 2016 йилда New York Times нашрига маҳфий маълумотлар ошкор қилингани билан боғлиқ.
Суд ҳужжатига кўра, ФҚБнинг собиқ директори Жеймс Комига миллий мудофаага оид маълумотларни сиздирганлик айби қўйилди.
Бу Адлия вазирлигининг узоқ вақтдан бери президент Дональд Трампни танқид қилиб келаётган Комига қарши жиноий айблов эълон қилиши билан боғлиқ учинчи ҳолатдир.
Уч саҳифали суд ҳужжатида иккита айблов моддаси ҳақида кам маълумот берилган, аммо Комининг адвокатлари алоҳида суд ҳужжатларида ушбу иш у ФҚБни бошқариб турган 2016 йилнинг октябрь ойида New York Times нашрига маҳфий маълумотларни сиздирганликда айбланаётгани билан боғлиқлигини айтган.
Коми душанба куни Substack платформасида жойлаштирилган видеода айбловларни "дахшатли суиистеъмолчилик" деб таърифлаб, қонунбузарликка йўл қўйганини инкор этди.
"Агар бу Адлия вазирлиги томонидан амалга оширилган ва биз кўз юма олмайдиган даҳшатли суиистеъмолчилик бўлмаганида, бу деярли кулкили туюлган бўларди", деди у видеолавҳада.
"Менда ҳеч нарса ўзгаргани йўқ — мен ҳамон айбсизман, ҳамон бу одамлардан қўрқмайман ва ҳамон мустақил федерал суд тизимига ишонаман."
Унинг адвокати Патрик Фицджералд ўз баёнотида прокурорларнинг иккита алоҳида жамоаси ўн йил олдин, Трампнинг биринчи маъмурияти даврида New York Times нашрига маълумот сиздирилгани билан боғлиқ ҳолатни ўрганиб чиққанини айтди.
"Иккала сафар ҳам Ҳукумат ҳеч кимга қарши айблов илгари сурилмаслиги керак, деган қарорга келган эди", деди у.
Advokatнинг таъкидлашича, суд ҳужжатида "жаноб Коми содир этмаган жиноятларда айбланмоқда".