Флоридадаги авиаҳалокат қурбонлари миллиардер ва оила аъзолари бöлган
Иккинçи уçувçи 20 ёşда эди.
Флоридадаги авиаҳалокатда ҳалок бўлганлар миллиардер ва унинг оила аъзолари бўлган
1-ноябр куни Флорида штатининг Палм-Бич округида Леаржет 60 русумли хусусий самолёт ҳалокатга учради. Бизнес-жет АҚШ президенти Доналд Трампнинг Мар-а-Лагодаги қароргоҳидан тахминан 10 километр узоқликда, автотрасса бўйига қулаган. Самолётда тўққиз киши, жумладан, икки бола бўлган ва уларнинг барчаси ҳалок бўлган.
Шунингдек, самолёт қулаган жой яқинида бўлган автомобил ҳайдовчиси жароҳат олган.
Ҳалокат юз берган ҳудуддаги Греен Асрес трейлер паркидан бир неча юз киши эвакуация қилинган.
Самолёт Техас штатининг Остин шаҳридан учиб чиққан ва Баҳама оролларига йўл олган эди. Бортда ИТ-тадбиркор, миллиардер Адам Робинсон, унинг рафиқаси Ҳелен Шарп ва уларнинг икки фарзанди — тўрт ёшли Эмма ҳамда икки ёшли Чарли бўлган. Улар билан бирга энага Анита Мария Сетина ҳамда оила дўстлари ҳисобланган Рейчел Рид ва Чарми Фер ҳам учаётган эди.
Робинсон 44 ёшда эди. У Retention.com ва РБ2Б дастурий таъминот ишлаб чиқарувчи компанияларга асос солган, бу компанияларнинг бош директори лавозимида эди.
Самолёт экипажи икки учувчидан иборат бўлган — Пенсилвания штатидан бўлган тажрибали учувчи, 55 ёшли капитан Жефф Грегори ҳамда иккинчи пилот, 20 ёшли (айрим манбаларга кўра, унинг ёши 21 да эди) Наталия Фигейрас. Ҳалокатдан олдин айнан Фигейрас диспетчерлик хизмати билан мулоқот олиб борган.
Фигейрас самолёт бошқариш лицензиясини 17 ёшида олган. Флоридада яшаган ушбу қиз маҳаллий телеканалларга берган интервюсида синфдошлари автомобил ҳайдашга ҳавас қилиб юрганида, самолёт бошқаришни «зўрроқ» деб ҳисоблаганини айтиб берган эди. 2026-йил 1-ноябрига қадар Фигейраснинг 1300 соатлик парвоз тажрибаси бўлган.
Қайд этилишича, парвоз мураккаб об-ҳаво шароитида амалга оширилган. Парвоз давомида экипаж диспетчерларга борт ташқарисидаги ҳарорат Селсий бўйича минус 47 даражани ташкил этаётгани ва фюзеляж музлагани, шунингдек, турбулентлик кузатилаётганини маълум қилиб, баландликни оширишга рухсат сўраган.
Диспетчер юқорига кўтарилишга рухсат берган, аммо экипаж бу хабардан тахминан ярим дақиқа ўтиб фавқулодда ҳолат тўғрисида хабар юборган — самолёт кескин ва назорациз тарзда шўнғиган (дақиқасига 10 минг фут — 3 минг метр). Жет учувчисининг сўнгги гапларидан бири шундай бўлган: «Биз ҳозир ерга уриламиз». Фигейрас яна шундай қичқиради: «Ташқарига қара».