ФИФА президенти Жанни Инфантино Ўзбекистонга келди
ФИФА президенти Жанни Инфантино Ўзбекистонга келди
ФИФА раҳбари Жанни Инфантино Тошкентга амалий ташриф билан учиб келди. Сафар доирасида у пойтахтнинг 2027 йилда Ўзбекистон ва Озарбайжонда бўлиб ўтадиган футбол бўйича U-20 ёшлар ўртасидаги жаҳон чемпионатига тайёргарлик жараёни ва объектлари билан танишади.
Инфантино Бокудан Tashkent Humo халқаро аэропортига Qatar Executive авиакомпаниясининг Gulfstream G650ER самолётида етиб келди.
ФИФА делегациясини спорт вазири Адҳам Икромов ва Ўзбекистон футбол ассоциацияси биринчи вице-президенти Равшан Эрматов кутиб олди.
Ташриф давомида ФИФА раҳбари спорт объектларини кўздан кечиради ва бўлажак турнирга кўрилаётган тайёргарлик билан танишади.
Эслатиб ўтамиз, Янги Тошкентдаги 2027 йилги U-20 жаҳон чемпионати ўйинларини қабул қиладиган стадион 55 минг томошабинга мўлжалланган. Арена қурилиши 2025 йилнинг ноябрь ойида бошланган бўлиб, лойиҳа қиймати 100 миллион долларга баҳоланмоқда. Стадион Ўзбекистондаги бундай миқёсдаги биринчи ёпиқ иншоотга айланади.