Феминист фаол ва журналист Глория Стайнем 92 ёшида вафот этди
Унинг жамғармаси у Нью-Йоркдаги уйида «ўзини яхши кўрган кўплаб инсонлар қуршовида, тинчгина вафот этганини» маълум қилди.
Феминист фаол ва журналист Глория Стайнем 92 ёшида вафот этди
АҚШдаги аёллар озодлиги ҳаракатининг энг таниқли сиймоларидан бирига айланган Глория Стайнем 92 ёшида вафот этди, деб хабар бермоқда унинг жамғармаси.
Instagram’даги постда айтилишича, у Нью-Йоркдаги уйида, «уни яхши кўрадиган кўплаб инсонлар қуршовида, тинчгина ҳаётдан кўз юмган».
Ёзувчи ва журнал муҳаррири бўлган Стайнем 50 йилдан кўпроқ вақт олдин сексизмга қарши курашишга бағишланган «Аёллар ҳаракати иттифоқи» (Women's Action Alliance) гуруҳига ҳаммуассислик қилган эди.
У журналистлик фаолиятини 1970 йилларда Нью-Йоркда бошлаган ва кейинчалик уй рўзғор ишларининг хавф-хатарлари ҳамда гўзаллик индустрияси талабларидан ташқаридаги аёллар муаммоларига эътибор қаратган илк нашрлардан бири — «Ms.» журналига ҳаммуассислик қилган.
1970 йилларда Стайнем аёлларнинг репродуктив ҳуқуқларини ҳимоя қилган етакчи овозлардан бири эди.
У АҚШ Олий судининг 1973 йилдаги «Роу Уэйдга қарши» (Roe v Wade) иши бўйича чиқарган, аёлларга аборт қилиш бўйича конституциявий ҳуқуқ берган қарорини олқишлаган эди. Орадан деярли ярим аср ўтиб, у ушбу қарорнинг бекор қилинишига гувоҳ бўлди.