Фарғона НҚИЗ қувватларидан фойдаланишни йил якунига қадар 40 фоиздан 65 фоизгача ошириш режалаштирилмоқда
Фарғона нефтни қайта ишлаш заводининг қувватини йил якунига қадар 40 фоиздан 65 фоизгача ошириш режалаштирилмоқда. Асосий қурилмалар таъмирланганидан сўнг, корхонада дизель ёқилғиси ишлаб чиқариш 30 фоизга, битум — 60 фоизга, авиакеросин эса — беш баробарга ошди.
Фарғона НҚИЗ қувватидан фойдаланишни йил якунига қадар 40 фоиздан 65 фоизга етказиш режалаштирилмоқда
Фарғона нефтни қайта ишлаш заводи қувватидан фойдаланишни йил якунига қадар 40 фоиздан 65 фоизга етказиш ва кейинчалик янада ошириш режалаштирилмоқда. Бу ҳақда Ўзбекистон президенти Шавкат Мирзиёевга нефть-газ соҳасидаги лойиҳалар тақдимоти чоғида сўз борди, деб хабар қилди унинг матбуот хизмати.
Корхонада асосий технологик қурилмалар таъмирланди. Натижада дизель ёқилғиси ишлаб чиқариш 30 фоизга, битум — 60 фоизга, авиакеросин эса — беш баробарга ошди.
Тақдимотда, шунингдек, маҳсулот ишлаб чиқаришни кўпайтириш ва заводни молиявий соғломлаштириш чора-тадбирлари муҳокама қилинди. Улар қаторида — хомашёнинг барқарор етказиб берилишини таъминлаш, мавжуд қувватлардан самарали фойдаланиш ва корхона қарздорлигини камайтириш бор.
Эслатиб ўтамиз, июнь ойида Фарғона нефтни қайта ишлаш заводи яна тўлиқ давлат назоратига ўтгани маълум бўлган эди. Корхонанинг ягона таъсисчиси сифатида Давлат активларини бошқариш агентлиги кўрсатилган, ваҳоланки май ойида 41,5 фоиз улуш Saneg компаниясига тегишли эди. 2022 йилда завод компанияга 100 млн долларга сотилган, бироқ инвестор тўловни тўлиқ амалга оширмаган.
2025 йил якунларига кўра, ФНҚИЗ 538,1 млрд сўм миқдорида зарар кўрган. 2026 йил январь ойида Enter Engineering, Eriell Group ва Saneg компанияларини молиявий барқарорлаштириш чора-тадбирлари доирасида ҳукумат ишчи гуруҳга Фарғона НҚИЗни модернизация қилишни ўз ичига олган бир қатор стратегик лойиҳаларни якунлай оладиган янги инвесторлар учун таклифлар тайёрлашни топширган эди.