Фарғона вилоятида қуритилган ўрикни қайта ишлаш кенгайтирилади
Фарғона туманининг Чимён ва Миндон қишлоқларида истиқомат қилувчи аҳоли асосан ўрик етиштириш билан шуғулланади. Айниқса, бу ҳудудда қуритиладиган ўрик маҳсулотлари нафақат ички бозорда, балки хорижда ҳам харидоргир.
Фарғона вилоятида қуритилган ўрикни қайта ишлаш ҳажми кенгайтирилади.
Фарғона туманининг Чимён ва Миндон қишлоқлари аҳолиси асосан ўрик етиштириш билан шуғулланади. Бу ҳудудда қуритилган ўрик маҳсулотлари ички ва ташқи бозорларда катта талабга эга.
Эндиликда ушбу маҳсулотларни замонавий усуллар асосида қайта ишлаш, уларга қўшимча қиймат бериш ва экспортга йўналтирилган брендга айлантиришга алоҳида эътибор қаратилмоқда.
Чимён қишлоғида қуритилган ўрикни қайта ишлашга ихтисослашган “Фарғона агро стар” агромажмуаси қурилмоқда. Вилоят ҳокими Хайрулло Бозоров қурилиш жараёнини кўздан кечирди.
50 миллиард сўмлик лойиҳа доирасида йилига 10 минг тонна ўрикни қайта ишлаш йўлга қўйилади ва 200 дан ортиқ янги иш ўрни яратилади.
Лойиҳа ҳудудда етиштирилаётган ўрик ва қуритилган ўрик маҳсулотларини замонавий технологиялар асосида қайта ишлаш орқали қўшимча қиймат яратиш, тайёр маҳсулот турларини кўпайтириш ва экспорт салоҳиятини оширишни мақсад қилган.
Агромажмуани жорий йил октябр ойида ишга тушириш режалаштирилган.
Вилоят ҳокими қурилиш ишларини сифатли ташкил этиш ва лойиҳани белгиланган муддатларда якунлаш бўйича масъулларга тегишли топшириқлар берди.