Ф-22 ҳавода жанговар дронга буйруқ берди
АҚШда Ф-22 Раптор қирувчиси учувчиси парвоз вақтида ЙФҚ-44А Фурй жанговар дронига кабинадан туриб тактик буйруқлар берди. Бундай турдаги илк синовда учувчи умумий вазифаларни белгилаган, дроннинг автоном дастурий таъминоти эса уларни талқин қилиб, реал вақтда бажарган.
Ф-22 ҳавода жанговар дронга буйруқ берди
Ҳаводаги тактик бошқарув намойиши ҳақида АҚШ Ҳарбий-ҳаво кучлари ва Фурй аппаратини ишлаб чиқараётган Андурил компанияси маълум қилди.
ЙФҚ-44А Фурй учувчили авиация билан биргаликда ҳаракатланадиган жанговар дронларни яратишга қаратилган Соллаборативе Сомбат Аирсрафт - ССА дастури доирасида ишлаб чиқилмоқда.
Андурил маълумотига кўра, Ф-22 ва Фурй Калифорниядаги Эдвардс авиабазасидан учиб, ҳавода учрашган. Парвоз давомида қирувчи учувчиси тактик маълумот узатиш канали орқали дронга янгиланган миссия режасини юборган ва манёврлар бажариш бўйича буйруқлар берган.
АҚШ Ҳарбий-ҳаво кучлари изоҳига кўра, учувчи синовда ҳаводаги қўмондон вазифасини бажарган. У Фурйънинг ҳар бир ҳаракатини қўлда бошқармаган: умумий тактик кўрсатмаларни дроннинг борт дастури мустақил талқин қилиб, бажарган. Намойиш давомида манёврлар ва жанговар вазифаларнинг имитацияси ўтказилган.
Синовга бир нечта ҳарбий синов бўлинмалари, дастурий таъминот муҳандислари, Ф-22 дастури офиси ҳамда ССА аппаратларининг автоном бошқаруви ва ўзаро ҳамкорлиги учун масъул мутахассислар жалб қилинган.
Тажриба операциялари бўлинмаси Невада штатидаги Неллис авиабазасида жойлашган. У ССА дронларини келгусида АҚШ Ҳарбий-ҳаво кучлари таркибида қўллашга тайёргарлик ишларини мувофиқлаштиради.
Ҳарбийлар ҳам, Андурил ҳам синовда қатнашган Ф-22ъга қандай қўшимча ускуналар ўрнатилганини очиқламаган. Аввалги бюджет ҳужжатларида дронларни бошқариш учун қирувчига планшетлар, кабеллар ва тегишли компонентларни интеграция қилиш зарурати тилга олинган эди.
Келажакда битта Ф-22 бир вақтнинг ўзида бир нечта ССА аппаратининг ҳаракатларини мувофиқлаштириши кўзда тутилмоқда. Ҳозирги намойишда эса битта Фурй иштирок этган.
Бундай бошқарув учун планшетга ўхшаш сенсорли қурилмалардан фойдаланиш вариантлари кўриб чиқилмоқда. Бироқ қўшимча экран ва вазифалар, айниқса, бир ўринли қирувчида учувчининг иш юкламасини ошириши мумкинлиги ҳақида хавотирлар ҳам билдирилган.