Эхиленова+: Липецкда дронлар ҳужумидан кейин металлургия комбинати ёнмоқда

Эхиленова+: Липецкда дронлар ҳужумидан сўнг металлургия комбинати ёнмоқда

Каналнинг очиқ манбаларга таянган таҳлилига кўра, шаҳарга реактив дронлар билан ҳужум уюштирилган. Комбинат атрофидаги ёнғиннинг юзага келишига маҳаллий ҳаво ҳужумидан мудофаа тизими ишлагани ҳам сабаб бўлгани айтилмоқда.

Канал, шунингдек, уларда «Пансир» мажмуасининг зенит қуроллари нишонларга қарата ўт очгани акс этганини билдирган. Бироқ бу талқин ва ҳужум оқибатлари бўйича мустақил тасдиқ келтирилмаган.

Шунингдек, канал Липецкдаги ҳарбий аеродром ҳудудида зарбалар ва ёнғин ҳақида дастлабки маълумот борлигини қайд этган. Зарар кўлами очиқланмаган.

Тула вилоятидаги «Азот» заводи ҳақида ҳам хабар берилган

Кейинроқ Эхиленова+ маҳаллий аҳолига таяниб, Тула вилоятининг Новомосковск шаҳридаги «Азот» кимё заводига ҳужум қилингани ва ёнғин чиққанини маълум қилган. Ҳодиса тафсилотлари келтирилмаган.

Украина Ташқи разведка хизмати маълумотига кўра, ушбу корхона Нижний Новгород вилоятининг Дзержинск шаҳридаги портловчи моддалар ишлаб чиқарувчи Свердлов номидаги заводга азот кислотаси етказиб беради.

ДВ хабари эълон қилинган пайтда Украина Бош штаби, мамлакат Мудофаа вазирлиги ва Россия расмийлари бу ҳужумларга изоҳ бермаган.

Бир неча кун аввал «Энергия» заводига ҳам зарба берилган эди

25-октабрда Липецк вилоятининг Елец шаҳридаги саноат корхонасига ҳужум қилинган. Вилоят губернатори Игор Артамонов ўшанда корхона номи ва зарар кўламини очиқламаган.

Астра нашрининг очиқ манбалар таҳлилига кўра, нишон «Энергия» заводи бўлган. Корхона дронлар, ракета мажмуалари ва бошқа қуроллар учун электр таъминоти элементларини ишлаб чиқаради.

Эхиленова+ заводга бир неча Сторм Шадов ракетаси билан зарба берилгани, камида иккита корпусга ракета текканини ва ишлаб чиқариш биноларидан бири жиддий вайрон бўлганини даъво қилган.

26-октабрда Украина Бош штаби корхонага зарба берилгани ва зарар етказилганини тасдиқлаган, аммо қўлланган қурол турини маълум қилмаган.