Энергияни тежайдиган технологияларга эга иссиқхоналарнинг электр энергияси харажатларининг 50 фоизи қоплаб берилади
Энергия тежовчи технологияларга эга иссиқхона хўжаликларининг электр энергияси харажатларининг 50 фоизи қоплаб берилади
2026 йил 1 ноябрдан бошлаб Ўзбекистонда энергия тежовчи технологияларни қўллайдиган иссиқхона хўжаликларини қўллаб-қувватлаш бўйича янги чора амал қила бошлайди. Давлат совуқ даврда — октябрдан мартгача иссиқхоналар учун электр энергияси харажатларининг 50 фоизини компенсация қилади. Дастур 2030 йил 1 апрелгача мўлжалланган.
Иситиш ва иссиқликни сақлаш бўйича замонавий ечимлардан фойдаланадиган иссиқхона хўжаликлари эгалари компенсацияга умид қилишлари мумкин. Улар орасида махсус иссиқликни сақловчи қопламалар, иссиқлик насослари, геотермал тизимлар, қуёш иссиқлик қурилмалари ва юқори самарадорликка эга электр иситиш тизимлари бор.
Ушбу чора хўжаликларни иситиш учун кўпроқ энергия талаб қилинадиган ойларда корхоналарнинг харажатларини камайтиришга қаратилган.
Янги дастур энергия тежовчи технологияларни аллақачон жорий этган ёки иситиш тизимларини модернизация қилишни режалаштираётган фермерлар, қишлоқ хўжалиги корхоналари ва тадбиркорлар учун фойдали бўлиши мумкин.
Электр энергияси харажатларининг камайиши иссиқхона хўжаликларига ресурслардан янада самарали фойдаланиш ва йилнинг совуқ даврида молиявий юкни камайтириш имконини беради.
Eслатиб ўтамиз, расмийлар аввалроқ Тошкент шаҳри ва вилоятнинг бешта туманида иссиқхоналарни иситиш қоидаларини кучайтирган эди: хўжаликлар кўмир ва бошқа қаттиқ ёқилғи турларидан воз кечишлари ёки ташланмаларни тозалаш ва автоматик назорат қилиш тизимларини ўрнатишлари керак бўлади.