Дунёнинг энг қиммат авиакомпаниялари маълум бўлди
2026-йилда бозор капитализацияси бўйича дунёнинг энг қиммат авиакомпаниялари рейтингида АҚШнинг Делта Аир Линес компанияси етакчилик қилди. Июл ойи ҳолатига унинг бозор қиймати 58,5 млрд долларга етган. Кучли учликдан Унитед Аирлинес ва Ирландиянинг Рянаир авиакомпанияси ҳам жой олган.
2026-йил ҳолатига кўра, дунёдаги энг қиммат авиакомпаниялар рўйхати эълон қилинди. СомпаниесМаркетСап маълумотларига асосланган ушбу рейтинг фақатгина аксиялари биржада сотиладиган оммавий компанияларни ўз ичига олган бўлиб, хусусий ва тўлиқ давлатга тегишли авиакомпаниялар ҳисобга олинмаган.
**АҚШ авиакомпаниялари етакчиликда**
Рейтингнинг биринчи поғонасини АҚШнинг Делта Аир Линес авиакомпанияси эгаллади. Июл ойида унинг бозор капитализацияси 58,5 миллиард долларни ташкил этиб, иккинчи ўриндаги рақобатчисидан 18 миллиард доллардан кўпроққа ошиб кетди. 1925-йилда ташкил этилган ва бош қароргоҳи Атлантада жойлашган Делта, кунига 5,4 мингдан ортиқ рейсни амалга оширади ҳамда СкйТеам халқаро авиалянсининг асосчиларидан биридир.
Иккинчи ўринни яна бир АҚШ авиакомпанияси – Унитед Аирлинес эгаллади, унинг бозор капитализацияси 40,1 миллиард долларга баҳоланган.
АҚШнинг йирик авиакомпаниялари ўртасида бозор қиймати бўйича сезиларли фарқлар мавжуд. Масалан, Америсан Аирлинесънинг капитализацияси 10,1 миллиард долларни ташкил этиб, бу Делта қийматининг бешдан бир қисмидан ҳам камдир. Манбага кўра, бу фарқ Америсан Аирлинесънинг рақобатчиларига нисбатан пастроқ рентабеллиги ва юқорироқ қарз юки билан изоҳланади. Шу билан бирга, асосан Шимолий Америкада парвозларни амалга оширадиган Соутҳвест Аирлинес 22,3 миллиард долларлик бозор қиймати билан Америсан Аирлинесъдан икки баробардан ҳам қимматроқ баҳоланган.
**Европада Рянаир етакчи**
Рейтингнинг учинчи поғонасини Ирландиянинг Рянаир лоукостери эгаллади. Компаниянинг бозор капитализацияси 31,1 миллиард долларни ташкил этиб, уни АҚШдан ташқаридаги энг қиммат авиакомпанияга айлантирди. Дублин шаҳрида жойлашган Рянаир, йўловчилар сони ва рейслар миқдори бўйича Европанинг йирик ташувчиларидан бири ҳисобланади. Унинг бизнес модели нисбатан арзон базавий чипталарга асосланган бўлиб, багаж ташиш, ўрин танлаш ва бошқа қўшимча хизматлар учун алоҳида ҳақ олинади. Рянаир бозор капитализацияси бўйича ИАГ ва Луфтҳанса каби йирик Европа авиация гуруҳларини ҳам ортда қолдирди.
**Осиё авиакомпаниялари кучли йигирматаликнинг ярмини эгаллади**
Дунёнинг энг қиммат бешта авиакомпанияси АҚШ ёки Европада жойлашган бўлса-да, кучли йигирматаликда Осиё ташувчиларининг улуши юқори. Рейтингдаги 20 та компаниянинг 10 таси Осиё авиакомпанияларига тўғри келади.
Осиёда энг юқори натижани Ҳиндистоннинг ИндиГо авиакомпанияси қайд этди, унинг бозор капитализацияси 21,1 миллиард долларга баҳоланган. Ундан кейин Хитойнинг Аир Чина (18,8 миллиард доллар) ва Сингапоре Аирлинес (18,7 миллиард доллар) жойлашган. Хитойнинг ўзи кучли йигирматаликда тўртта авиакомпания билан иштирок этиб, уларнинг умумий бозор капитализацияси 53 миллиард доллардан ошади. Рейтингдан Гонконг, Япония, Сингапур ва Тайван авиакомпаниялари ҳам ўрин олган, бу Осиё авиация бозорининг жаҳон миқёсидаги салмоғини кўрсатади.
Жанубий Америкадан кучли йигирматаликка фақат ЛАТАМ Аирлинес, Океаниядан эса Австралиянинг Қантас авиакомпанияси кирди.
Хулоса қилиб айтганда, 2026-йилги рейтингда АҚШ авиакомпаниялари энг юқори ўринларни эгаллаган бўлса-да, компаниялар сони жиҳатидан Осиё авиабозори сезиларли иштирок этган. Рейтингдаги қиймат авиакомпанияларнинг самолётлари ёки активлари нархини эмас, балки биржадаги аксиялар қиймати асосида шаклланадиган бозор капитализациясини англатади.