Дональд Трамп Ўзбекистонга ташриф буюриши мумкин. Видео

Дональд Трамп Ўзбекистонга келиши мумкин. Видео

АҚШ Президенти Дональд Трамп Ўзбекистонга ташриф буюриши мумкин. Унинг мамлакатга келиш истаги ҳақида Америка президентининг глобал шериклик бўйича махсус вакили Паоло Замполли маълум қилди. Шу билан бирга, сафарнинг аниқ муддатлари ҳозирча айтилмаган.

«Таҳлилнома» кўрсатувига берган интервьюсида Замполли Трампнинг иш жадвали тиғизлигига қарамай, Америка президенти Ўзбекистонга келиш истаги борлигини шахсан ўзига айтганини таъкидлади. Махсус вакилнинг сўзларига кўра, ушбу ташриф ғоясини унинг ўзи ҳам фаол илгари сурмоқда ва бу тез орада амалга ошишига умид қилмоқда.

Замполли, шунингдек, Ўзбекистон Оқ уй ва АҚШ маъмурияти учун муҳим йўналишлардан бирига айланганини билдирди.

Бундан аввал Ўзбекистон Президенти Шавкат Мирзиёев Трампни ўзи учун қулай вақтда мамлакатга ташриф буюришга бир неча бор таклиф қилган эди. Август ойида бўлиб ўтган телефон орқали мулоқот чоғида у АҚШ Президентини яна бир бор Ўзбекистонга расмий ташриф билан келишга таклиф этди.