АҚШ Дональд Трамп даврида 250 мингдан ортиқ визани бекор қилди
АҚШ Давлат департаменти Дональд Трампнинг президентлик муддати бошланганидан бери 250 мингдан ортиқ визани бекор қилди. Виза талабларига риоя қилмаслик, АҚШга қарши зўравонликка чақириқлар, фирибгарлик ва бошқа қонунбузарликлар бекор қилиш учун асос бўлди.
АҚШ Дональд Трамп даврида 250 мингдан ортиқ визани бекор қилди
Дональд Трамп президентлик лавозимига киришган пайтдан бошлаб АҚШ Давлат департаменти 250 мингдан ортиқ визани бекор қилди.
Унинг сўзларига кўра, виза шартларига риоя қилмаслик, АҚШ ёки америкаликларга қарши зўравонликка чақириқлар, фирибгарлик ва миллий хавфсизликка таҳдид солиш каби турли қоидабузарликлар визаларни бекор қилишга асос бўлган.
Бекор қилинган визалардан 2300 таси «туғруқ туризми» билан боғлиқ бўлган. Август ойида Трамп ушбу амалиётни чекловчи иккита фармонни имзолаган эди.
«Мисли кўрилмаган миқёсдаги узлуксиз текширувлар туфайли биз жиноят содир этаётган, терроризмни қўллаб-қувватлаётган, америкаликларни алдаётган ёки иммиграция тизимимизни суиистеъмол қилаётган шахсларни аниқламоқдамиз ва уларни кириш ҳуқуқидан маҳрум этяпмиз. АҚШ визаси — бу ҳуқуқ эмас, балки имтиёздир, агар сиз ушбу имтиёз шартларини бузсангиз, ундан маҳрум бўласиз», — деди Пиготт.
Ушбу чора АҚШга B1 ва B2 визалари билан келган ва бошпана сўраб мурожаат қилган 200 минггача хорижликка дахл қилади.
Трамп маъмурияти у Оқ уйга қайтган пайтдан бошлаб виза талабгорларига нисбатан талабларни изчил равишда кучайтириб бормоқда.