Бугатти раҳбарининг автомобили олиб қоçилди
Маşинани қидириş иşларида Хорватия, Словения ва Австрия полицияси иşтирок этган. Охир-оқибат Бугатти Чирон Австриянинг Грац şаҳри яқинидаги ёнилğи қуйиş şохобçасида тöхтатилган.
Бугатти раҳбарининг автомобили олиб қочилди
Бугатти Римас компанияси бош директори Мате Римацнинг Бугатти Чирон Спорт гиперкари Хорватиянинг Света-Неделя шаҳридаги компания бош қароргоҳи олдидаги автотураргоҳдан ўғирлаб кетилди.
Римац эса автомобил калитини доимо машинада қолдиради ва қулфламайди, чунки ходимлар автомобилни мунтазам равишда синовлар ва сафарлар учун олиб туришади.
Ўша куни компанияга 36 ёшли эркак иш излаб келган. У автотураргоҳда турган Чирон автомобилини кўриб, унга ўтирган ва ҳайдаб кетган. Орадан кўп ўтмай автомобил олиб қочилгани маълум бўлган. Римац зудлик билан полицияга қўнғироқ қилган.
Шундан сўнг ходимлар автомобилнинг ҳаракатини унга ўрнатилган телеметрия тизими орқали кузатиб боришган. Машина Словения томон йўл олган, кейин эса Австрия чегарасидан ўтган. Римац ўзининг Порсче 911 автомобилида уни таъқиб қилишга тушган. Қидирув ишларида Хорватия, Словения ва Австрия полицияси ҳам иштирок этган. Охир-оқибат Чирон Австриянинг Грац шаҳри яқинидаги ёнилғи қуйиш шохобчасида тўхтатилган.
Кейинроқ Римац машина ўғриси билан учрашиб, суҳбатлашган. У полицияга ариза бермасликка қарор қилган.
Автомобилнинг нархи 2,4 миллион евро туради.