БМТ маълумотларига кўра, Жжибути қирғоқларида қайиқ ағдарилиб кетиши оқибатида ҳалок бўлган 109 киши орасида болалар ҳам бор
Қайиқ 350 киши билан Жибутидан Йеменга қараб сузиб кетаётган бўлган, пайшанба оқшомида Обок порт шаҳри яқинида ағдарилиб кетган.
Жибути қирғоқларида қайиқ ағдарилиб кетиши оқибатида ҳалок бўлган 109 киши орасида болалар ҳам бор, дейди БМТ
Жибути қирғоқлари яқинида қайиқ чўкиб кетиши оқибатида камида 109 нафар мигрант, жумладан 15 нафар бола ҳалок бўлди ва яна ўнлаб кишилар бедарак йўқолган деб ҳисобланмоқда, хабар беради Халқаро миграция ташкилоти (ХМТ).
Кема пайшанба оқшомида Обок порт шаҳри яқинида ағдарилиб кетганда, унда Жибутидан Яманга кетаётган 350 киши бўлган. ХМТнинг маълум қилишича, 80 га яқин одам қутқариб олинган.
ХМТнинг Жибутидаги миссияси раҳбари Александр Куассак ушбу фожиани мигрантлар бошқа жойда янги ҳаёт излаётганда дуч келадиган хавф-хатарларнинг «яққол эслатмаси» деб таърифлади.
БМТ агентлигининг билдиришича, Африка шохидан бўлган ўн минглаб мигрантлар хавфсизлик ва иш топиш умидида Кўрфаз мамлакатларига етиб олиш учун ҳар йили ушбу хавфли саёҳатга чиқадилар.
Жума куни берилган баёнотда ташкилот топилган жасадлар орасида 52 эркак, 42 аёл, тўққиз қиз ва олта ўғил бола борлигини маълум қилди.
«Бу жуда аянчли йўқотиш», — деди Куассак.
«Бизнинг хаёлимиз омон қолганлар ва яқинларини йўқотган ёки қариндошларидан ҳанузгача хабар ололмаган оилалар билан», — дея қўшимча қилди у.
Маҳаллий ҳокимият органлари ҳалок бўлганларни дафн этишни ташкиллаштирмоқда, омон қолганларнинг барчаси эса — Эфиопия фуқаролари — тиббий ёрдам билан таъминланган.
ХМТнинг билдиришича, 10 сентябрдан бери унинг Кўчишларни кузатиш матрицаси Эфиопиядан Жибутига 20 000 дан ортиқ «ҳаракатланиш»ни қайд этган.
ХМТ Обокдаги ёрдам кўрсатиш марказида омон қолганларнинг 64 нафарига, жумладан, соғлиқни сақлаш ва «оилалари билан алоқани тиклаш»да ёрдам бераётганини айтди.
БМТ агентлиги мигрантларга ёрдам бериш ҳамда «денгизда ва қуруқликда ўлим ҳолатларининг олдини олиш» учун маҳаллий ҳокимият органлари билан «яқин ҳамкорликда» ишлаётганини қўшимча қилди.
ХМТ маълумотларига кўра, 2025 йилда ушбу йўналишда 900 дан ортиқ мигрант ҳалок бўлган ёки бедарак йўқолган, шу билан бирга саёҳат қилишга уринаётганлар сони 18 фоизга ортган.
2026 йил март ойида шунга ўхшаш ҳодиса оқибатида тўққиз киши ҳалок бўлган ва 45 киши бедарак йўқолган эди.