Bleach аниме-сериали расман якунланар экан, ишқибозлар хайрлашишга тайёргарлик кўрмоқда
Биринчи марта эфирга узатилганидан йигирма икки йил ўтиб, барча даврларнинг энг йирик анимеларидан бири ўз ниҳоясига етмоқда.
Мухлислар хайрлашишга тайёргарлик кўришмоқда: Bleach аниме серияли расман ўз ниҳоясига етмоқда
Bleach ноёб арвоҳларни кўриш қобилиятига эга зарғалдоқ сочли ўсмир Ичиго Куросаки ҳақида ҳикоя қилади
Бу мухлислар томоша қилишни ўн йилдан кўпроқ вақт давомида кутган финалдир.
Энг машҳур аниме серияларидан бири бўлмиш Bleach'нинг узоқ кутилган хотимаси тез орада намойиш этилади.
У «Минг йиллик қонли уруш» сюжетининг охирги эпизодини англатади ва бу хотимадан умидлар айниқса юқори.
Аслият муаллифи Тайт Кубо оригинал комикс аркасининг «ҳафсалани пир қилган» ҳикоясига сезиларли ўзгаришларни назорат қилди ва бу ўзгаришлар жуда яхши кутиб олинди.
Мухлислар «бир даврнинг тугаши»дан кайфиятлари тушаётган бир пайтда, у сафар муаллиф хотимани муваффақиятли якунлай олишини ҳам ҳаяжон билан кутишмоқда.
BBC Newsbeat мухлислар билан суҳбатлашди, чунки улар Кубонинг ижод маҳсули билан «ҳаяжонли» хайрлашмоқдалар.
Bleach Жапониядаги One Piece ва Naruto билан бир қаторда «катта учлик» мангаларидан бири ҳисобланади ва ушбу учтасининг ҳам анимацион версиялари анименинг бутун дунё бўйлаб оммалашишига ёрдам берган деб тан олинади.
У арвоҳларни кўришнинг ажойиб қобилиятига эга ёрқин зарғалдоқ сочли ўсмир Ичиго Куросаки ҳақида ҳикоя қилади.
У инсониятни ёвуз руҳлардан ҳимоя қилиш билан бирга мактаб ва оилавий ҳаётни мувозанатда сақлайди.
Оригинал Bleach анимеси 2004 йилдан 2012 йилгача 16 фасл давомида эфирга узатилган, аммо у ҳеч қачон манба мангасига етиб ололмаган.
Мухлислар унинг қачондир қайтиш-қайтмаслигига ишонч ҳосил қилолишмаган эди.
Шундай бўлса-да, Bleach анимацион якуний бобининг биринчи қисми 10 йилдан сўнг, 2022 йилда намойиш этилди.
«Минг йиллик қонли уруш» аркаси тўртта алоҳида бобга бўлинган бўлиб, сўнгги босқич шу йилнинг июль ойида бошланди.
Блеач'нинг комиксдаги оригинал якуни мунозарали бўлиб, мухлисларга умуман ёқмаган эди ва муаллиф Кубо уни яратиш жараёнида саломатлигида муаммоларга дуч келгани сабабли шошилинч якунлангани айтилган эди.
Мухлисларнинг янги анимацион финални кўришга жуда иштиёқманд бўлишларининг сабабларидан бири — Кубо ва Pierrot Films анимация студияси оригинал сюжет линиясига ўзгаришлар киритганидир.
Кўпчилик «сўнгги жанг» 2016 йилдаги оммалашмаган хотимани «тўғрилайди» деб умид қилмоқда.
Николас Тонг (чапда) ва Руби Эббс Bleach'га бўлган умумий қизиқишлари туфайли дўст бўлиб қолишди
Bleach мухлислари 27 ёшли Руби Эббс ва 30 ёшли Николас Тонг тез-тез сериял қаҳрамонлари образига киришади (косплей қилишади) ва бошқа мухлислар билан учрашувлар ташкил этишади.
«Кўпчилигимиз бундан жуда тўлқинланмоқдамиз», дейди Руби.
«Ишончим комилки, бу менинг барча даврлардаги энг севимли сериялим, у менга ҳаётим давомида кўп нарсаларни енгиб ўтишга ёрдам берди», деб тушунтиради у.
У Блеач'ни тўққиз ёшида ўқишни бошлаган ва унга бўлган умумий муҳаббат орқали Николас билан дўстлашган.
«Мен Bleach орқали жуда кўп дўстлар орттирдим, бу менга ўргатган нарсалари ва у орқали учратган одамларим жиҳатидан ҳаётимнинг ажойиб бир қисми бўлди».
Николас учун эса ўсмирлик даврида Bleach томоша қилиш мактабдаги қийинчиликларни енгишга ёрдам берган — ҳатто унда ушбу ҳикояга бағишланган татуировка ҳам бор.
«Бу менга мактабда дўстлар орттиришга, Bleach'ни ва севимли қаҳрамонларимизни биладиган бир нечта одамлар билан гаплашишга ёрдам берди», деб эслайди 30 ёшли Николас.
Жуфтлик ББС Невсбеат'га кейинроқ финални томоша қилар экан, «биргаликда йиғлашларини» айтишди.