Биржада пропан нархи 2 савдо кунида 65 фоизга қимматлашди
Суюлтирилган газнинг 1 тоннаси учун улгуржи нарх 17-18 сентабрдаги савдоларда 7 млн 412 минг сўмдан 12 млн 217 минг сўмга ёки 64,8 фоизга кўтарилди. Бу нарх ўсишига қўйилган чекловнинг бекор қилингани билан боғлиқ бўлиши мумкин.
Биржада пропан нархи 2 савдо кунида 65 фоизга қимматлашди
17–18 сентабр кунлари бўлиб ўтган 2 биржа савдосида пропан нархи 64,8 фоизга ошди.
17-сентабр кунги савдоларда суюлтирилган газнинг 1 тоннаси учун ўртача нарх 7 млн 412 минг сўмдан 11 млн 905 минг сўмгача кўтарилиб, 60,6 фоизга қимматлашди.
18-сентабр куни эса нарх қарийб 2,6 фоизга ошиб, 12 млн 217 минг сўмга етди. Шу тариқа пропаннинг улгуржи нархи 2 кун ичида 4,8 млн сўмга ёки тахминан 65 фоизга ошди.
Нархларнинг кескин кўтарилиши 17-сентабрдан бошлаб биржа савдоларида суюлтирилган газни сотиш нархининг ўсишига қўйилган чеклов бекор қилингани билан боғлиқ бўлиши мумкин.