Бир ҳафталик фаолият: Трампнинг янги матбуот котиби лавозимидан кетди
Оқ уй матбуот котиби Кети Захария тайинланганидан қарийб бир ҳафта ўтиб лавозимини тарк этмоқда. Унинг ишдан бўшатилганини 16-октабр куни АҚШ маъмуриятидаги юқори мартабали мансабдор тасдиқлади. Янги матбуот котиби ким бўлиши ҳозирча маълум эмас.
Бир ҳафталик фаолиятдан сўнг Трампнинг янги матбуот котиби лавозимини тарк этди. ДВ хабарига кўра, Захариянинг кетиши ҳақида аввал Тҳе Нев Ёрк Тимес ва СНН маълум қилган. У ҳам 17-октабрга ўтар кечаси Х ижтимоий тармоғидаги постида буни билвосита тасдиқлаган.
Захария Доналд Трамп ҳақида илиқ фикрлар билдириб, «Унинг қўл остида ишлаш мен учун шараф эди», деб ёзган.
Трамп эса журналистларга Захарияга бу иш унга мос келиши-келмаслиги ҳақида ўйлаб кўришни таклиф қилганини айтган. Президентнинг сўзларига кўра, ОАВ унга ёмон ва адолациз муносабатда бўлган, Захария эса сўнгги кунларда кўп қийинчиликларни бошдан кечирган. Трамп унинг бахтли бўлишини исташини ва яқин кунларда у билан суҳбатлашиш ниятида эканини билдирган.
Захариянинг тайинлангани 9-октабр куни эълон қилинган эди. Аммо у илк иш кунидаёқ матбуот анжуманидаги ишончсиз чиқиши ва нутқидаги адашишлари билан диққат марказига тушган. У айрим саволларга жавоб бера олмаган ва брифингни белгиланган вақтдан анча олдин якунлаган.
Шунингдек, унинг касбий малакаси борасида ҳам саволлар туғилган. Хабарларга кўра, Захария 2011-йилда Пеппердине Университй юридик мактабини тамомлаганидан кейин адвокатлик имтиҳонидан ўта олмаган. Шунга қарамай, у аввал ўзини бир неча бор юрист деб атаган, Трамп эса уни адвокат сифатида таништирган.
СБС Невс маълумотига кўра, Захария ўтган ҳафтани одатдагидан анча яккаланган ҳолда ўтказган ва матбуот котибига хос фаолият олиб бормаган. Политисо эса Трамп бошқалар билан суҳбатларда унинг қобилияти ва камера қаршисида ўзини тутиши ҳақида танқидий фикрлар билдирганини ёзган.