Бинансе’даги йирик ҳакерлик ҳужумида нима учун Шимолий Кореянинг «элита» ҳакерлари бош гумондор бўлмоқда
Агар айбловлар рост бўлса, рекорд даражадаги бу ўғрилик шик қилинган шимолий кореялик хакерлар канчалик қудратли бўлиб кетганини кўрсатади.
Шимолий Кореянинг «элита» ҳакерлари нега Binance’даги йирик хакерлик ҳужумида асосий гумондор бўлмоқда?
Иккита етакчи блокчейн-аналитика компанияси дунёдаги энг йирик криптобиржа — Binance’га қилинган 6,3 миллиард долларлик (4,7 миллиард фунт стерлинг) хакерлик ҳужуми ортида Шимолий Корея давлати томонидан қўллаб-қувватланадиган гуруҳ турганини кўрсатувчи ишончли разведка маълумотларига эга эканини айтмоқда.
TRM Labs, Chainalysis билан биргаликда, TraderTraitor номи билан ҳам танилган Шимолий Кореянинг Lazarus Group хакерлик бўлинмасини «юқори даражадаги ишонч билан» аниқлади.
Ушбу ҳолат дунёдаги энг қашшоқ ва интернетга кириш жуда қаттиқ чекланган мамлакатлардан бири бўлмиш ушбу давлат билан боғлиқ навбатдаги воқеадир.
Мутахассислар Шимолий Корея етакчиси Ким Чен Ын ҳукуматини ўз-ўзини молиялаштириш учун кибержиноятчиликдан фойдаланаётганликда айбламоқда, бу айбловни Пхеньян қайта-қайта рад этган.
Молиявий ҳужум бўлмаса-да, мамлакатнинг энг шов-шувли гумон қилинган хакерлик ҳужуми 2014 йилда содир бўлган эди. Нишон Голливуднинг «Интервью» фильмини суратга олган Sony Pictures студияси бўлган. Фильм марказида Кимга суиқасд қилиш фитнаси ётади.
Ундан кейинги хакерлик ҳужуми студиянинг юқори лавозимли раҳбарлари ўртасидаги минглаб ноқулай электрон почта хабарларини сиздириб юборди.
Ўтган йили Федерал қидирув бюроси (ФҚБ) Шимолий Корея Bybit биржасидаги 1,5 миллиард долларлик ўғирлик ортида турганини айтган эди.
Ушбу ҳодисадан сўнг, агентлик TraderTraitor ўғирланган маблағларни ювиш ва тарқатиш учун тезда ҳаракат қилганини, охир-оқибат уларни нақд валютага айлантириш мақсадида Биткоин ва бошқа рақамли активларга ўтказганини билдирди.
ФҚБ Шимолий Кореяни «ноқонуний кибержиноятчилик ва виртуал активларни ўғирлаш фаолияти»да кенг кўламда айблади.
Хабарларга кўра, мамлакат ўз кибер имкониятларини мақсадли равишда ошириб бормоқда, энг истиқболли университет талабаларини танлаб олиб, уларни Шимолий Корея разведка агентлиги томонидан бошқариладиган ҳакерлар гуруҳларига юбормоқда.
Технологик гуруҳлар таҳлили шуни кўрсатадики, киберурушнинг бир қисми чегаранинг нариги томонида, Хитойда бўлиб ўтади.
Унинг хакерлик ҳужумларининг катта қисми молиявий манфаатга қаратилган.
Шимолий Кореялик ҳакерлар 2022 йилда 620 миллион долларлик криптовалютани ҳам ўғирлагани айтилади.
Ушбу охирги ўғриликда Шимолий Корея агентлари Binance’нинг интернетга уланган «иссиқ ҳамёни»ни автоматик равишда ҳужумчига маблағ ўтказиб берадиган ҳамёнга айлантириш учун махсус рухсатномадан фойдаланганликда айбланмоқда.
TRM’нинг таъкидлашича, ҳужумчи операция доирасида Binance’нинг «иссиқ ҳамёни»ни имзолаш тизимига кириш ҳуқуқини қўлга киритган бўлиши мумкин.
Binance BBC’нинг ушбу минтақа билан мумкин бўлган алоқалар ҳақидаги саволларига тўғридан-тўғри жавоб бермади.
Компания аввалига муҳандиснинг ноутбуки бузиб киритилгани ва бу рухсатсиз маблағ ечиб олишга имкон берганини айтган эди, аммо кейинроқ ҳужум кўлами кенгроқ эканини билдирди.
«Бизнинг кейинги суриштирувимиз бузилишнинг қўшимча нуқталарини аниқлади», деди Binance ҳамкор бош ижрочи директори Ричард Тенг.
Binance вакили жума куни ўғирланган активларнинг қарийб 80 фоизи хавфсизлантирилганини, қолган қисми эса ҳали ҳам йўқлигини айтди.
Агар айбловлар тўғри бўлса, бу рекорд даражадаги ўғрилик Шимолий Кореяда гумон қилинган ҳакерлар қанчалик ваҳимали кучга айланганини ва хакерлик воситалари қанчалик ўткирлашганини кўрсатади.
Мутахассисларнинг таъкидлашича, сунъий интеллектнинг ривожланиши таҳдид солувчиларга автоматлаштириш ва бошқа усуллар орқали жиноят содир этишнинг янги усулларини берди.
Ушбу ҳолатда Binance тизимларига бузиб кириш учун сунъий интеллектдан фойдаланилган бўлиши мумкин.
Chainalysis таъкидлаганидек, ҳужумчи «илгари биз кўрмаган» пулни ювиш моделларидан фойдаланган.