Билл Гейц 20 йилдан сöнг аксарият иşларни роботлар бажариşини кутмоқда
Мисрософт ҳаммуассиси Билл Гейцнинг фикриçа, тахминан 20 йилдан сöнг сунъий интеллектли роботлар уй қуриş, озиқ-овқат етиşтириş ва жарроҳлик операцияларини öтказиş каби кöплаб вазифаларни бажара олади. Бу товар ва хизматларни арзонлаşтириşи мумкин, бироқ меҳнатига талаб камаядиган ходимлар уçун öтиş даври оğир кеçиşи эҳтимол.
Билл Гейц 20 йилдан кейин ишларнинг аксариятини роботлар бажаришини кутмоқда
Билл Гейц Тҳе Верге нашрининг Десодер подкастида инсон меҳнатининг келажаги ҳақидаги қарашларини билдирди. Унинг айтишича, бугун одамлар бажарадиган кўплаб вазифаларни келажакда сунъий интеллект ва роботлар ўз зиммасига олиши мумкин.
Гейц бу ўзгаришлар тахминан 20 йилдан кейин юз беришини кутмоқда. Бироқ унинг прогнози муҳим шартга боғлиқ — сунъий интеллектнинг ривожланиши секинлашмаслиги керак.
Унинг баҳолашича, роботлар меҳнати инсонникига нисбатан арзонроқ ва самаралироқ бўлади. Натижада аксарият товарларни ишлаб чиқариш ва хизматларни кўрсатиш учун инсон меҳнатига эҳтиёж қолмаслиги мумкин.
Гейц бундай ўзгаришлар товарлар нархининг пасайиши, тиббий ёрдам сифатининг яхшиланиши ва тақчилликнинг камайишига олиб келиши мумкинлигини айтган. Аммо бу жараён барча учун бирдек енгил кечмайди. Айниқса, касбий кўникмаларига талаб камаядиган ходимлар жиддий қийинчиликларга дуч келиши мумкин.
Ўзгаришлар дастлаб офис ишлари ва асосан ақлий меҳнатга таянадиган айрим касбларда сезилиши кутилмоқда. Гейцнинг фикрича, бу соҳаларда сунъий интеллектнинг таъсири яқин келажакдаёқ яққол намоён бўлиши мумкин.
Масалан, сунъий интеллект телефон орқали савдо қилиш, мижозларга хизмат кўрсатиш ва бухгалтерия ҳисобини юритиш каби вазифаларни бажара олади. Гейц технология бу ишларни анча арзон, тез ва аниқ амалга ошириш имконига эга бўлишини кутмоқда.
Унинг фикрича, сунъий интеллект инсондан устун ақлий салоҳиятга эришгач, офис ва ақлий меҳнат билан боғлиқ соҳаларда мутахассислар етишмовчилиги барҳам топади.
Инсон қиёфасидаги роботлар эса жисмоний меҳнат бозорига ҳам шундай таъсир кўрсатиши мумкин. Бу, жумладан, қурилиш ва қишлоқ хўжалигига тааллуқли. Уй қуриш ёки озиқ-овқат етиштириш каби вазифаларнинг роботлар зиммасига ўтиши мазкур соҳалардаги иш ўринларини ўзгартириши мумкин.
Суҳбатда робототехникага инвестициялар, айниқса, Хитойда ортиб бораётганига ҳам эътибор қаратилган. Гейцнинг баҳолашича, бу жисмоний ишларни кам харажат билан бажарадиган машиналарни яратиш имконияти реал эканини кўрсатади.
Шу билан бирга, у автоматлаштиришнинг ижобий имкониятларини ҳам таъкидлаган. Роботлар арзонроқ уй-жой қуриши, сунъий интеллект эса касалликларни даволаш усулларини ишлаб чиқишга ёрдам бериши мумкин. Бундай технологиялар турмуш даражасини ошириш ва асосий хизматларни кўпроқ одамлар учун ҳамёнбоп қилиш салоҳиятига эга.