Ауди электромобиллар орасида юриш захираси бўйича янги рекорд ўрнатди
Ауди А6 э-трон электромобили қўшимча қувватлашсиз юриш масофаси бўйича рекорд ўрнатди. Ауди А6 Спортбаск э-трон қувватланмасдан 1338 км масофани босиб ўтди. Бу модел учун эълон қилинган максимал 776 км юриш масофасидан анча кўпдир.
Ауди электромобиллар орасида юриш захираси бўйича янги рекорд қайд этди
Ауди электромобиллар орасида юриш захираси бўйича янги рекорд ўрнатди. Ралли бўйича Европа чемпиони Мико Марчик Ауди А6 Спортбаск э-трон аккумуляторининг бир марталик қуввати билан 1338 км масофа босиб ўтди. Ўртача энергия сарфи 100 км га 7,09 кВт·соатни ташкил этди.
Таққослаш учун, ушбу моделнинг аралаш сиклда эълон қилинган юриш масофаси 681 дан 776 км гача. Марчикнинг айтишича, синов сафари Полша бўйлаб умумий фойдаланишдаги йўлларда, баъзан тиғиз пайтда ва тирбандликларда ўтган.
Рекорд сафарда орқа ўқида битта электр мотори бўлган А6 Спортбаск э-трон Перформансе версияси ишлатилган. Унинг қуввати 362 от кучи, айлантирувчи лаҳзаси эса 565 Н·м. Автомобил 100 км/соат тезликка 5,4 сонияда чиқади, максимал тезлиги эса 210 км/соатни ташкил этади.
Олдинги рекордни 2025-йилда Лусид Аир Гранд Тоуринг 1205 км масофани босиб ўтиб ўрнатган эди.
Ушбу натижа туфайли Марчик ҳам ички ёнув двигателли, ҳам электр куч қурилмасига эга автомобиллар бўйича Гиннес рекордлари соҳибига айланди. 2025-йилда у Скода Суперб автомобилида битта ёнилғи бакида босиб ўтилган максимал масофа бўйича рекорд ўрнатган эди. Ўшанда у 100 км га ўртача 2,6 л ёнилғи сарфлаб, 2831 км йўл босишга муваффақ бўлганди.