Атлантика рекордçиси бöлган улкан лайнер сунъий рифга айланади
АҚŞнинг Флорида şтати соҳилида тарихий СС Унитед Статес лайнерини çöктириб, дунёдаги энг катта сунъий рифни яратиş режалаşтирилмоқда. Окалуса округи маъмуриятига кöра, об-ҳаво имкон берса, иşлар ноябрнинг иккинçи ҳафтасида амалга оşирилади.
Атлантика рекордини ўрнатган улкан лайнер сунъий рифга айлантирилади
Узунлиги қарийб 302 метр бўлган кема Дестин шаҳридан тахминан 40 километр жануби-ғарбда денгиз тубига туширилади. Лойиҳа ташаббускорлари лайнер денгиз жонзотлари учун янги яшаш муҳитига, ғаввослар учун эса йирик сайёҳлик обьектига айланишига умид қилмоқда.
Маҳаллий ҳокимият ҳисоб-китобларига кўра, бу дайвинг анжомлари дўконлари, балиқ овлаш саёҳатларини ташкил этувчи компаниялар ва меҳмонхоналарга ҳар йили миллионлаб доллар даромад келтириши мумкин.
СС Унитед Статес 1952-йилдаги биринчи рейсида Атлантика океанини уч кун, 10 соат ва 40 дақиқада кесиб ўтиб, тезлик рекордини ўрнатган. У Қуеен Марй лайнерининг аввалги натижасини тахминан 10 соатга яхшилаган.
Шу тариқа кема йўловчи лайнерларининг энг тез трансатлантик ўтиши учун бериладиган «Атлантиканинг мовий тасмаси» мукофотини қўлга киритган.
Бироқ вақт ўтиши билан йўловчиларнинг транспорт танлови ўзгарган ва лайнерга талаб пасайган. 1969-йилда, 17 йиллик хизматдан сўнг, у эксплуатациядан чиқарилган. Кейинги ўн йилликларда кема бир неча бор эгасини алмаштириб, аста-секин яроқсиз ҳолга келган.
Тарихий мерос ҳимоячилари кўп йиллар давомида лайнерни сақлаб қолиш ва тиклашга уринган. Аммо уни таъмирлаш ва сақлаш харажатлари жуда катта бўлган.
Филаделфиядаги причал эгаси билан ижара ҳақи бўйича низо эса кемани асраш билан шуғулланган СС Унитед Статес Сонсервансй ташкилотини уни сотишга мажбур қилган.
Лайнерни Окалуса округи сотиб олган. 2025-йил 19-февралда у Филаделфиядан буксирда олиб чиқилиб, Алабама штатидаги Мобил шаҳрига йўл олган.
Айрим экологик ташкилотлар ва олимлар кема корпусига суртилган, таркибида рух хромати бўлган грунт қопламаси Мексика қўлтиғи сувларини ифлослантириши мумкинлигидан хавотир билдирган.
Окалуса округи маъмурияти эса лойиҳа АҚШ Атроф-муҳитни муҳофаза қилиш агентлиги - ЭПА талабларига мос эканини маълум қилган. 2025-йил августда федерал суд лайнерни чўктиришнинг олдини олиш мақсадида киритилган даъвони рад этган.