Арманистон собиқ президенти Роберт Кочарян ва унинг ўғли қўлга олинди
Арманистоннинг аввалги президенти Роберт Кочарян ва унинг ўғли ҳибсга олинди.
“Арманистон” блокидан бўлган мухолифатчи депутат Агнеса Хамояннинг Азер Невсъга маълум қилишича, Арманистоннинг собиқ президенти Роберт Кочарян Коррупсияга қарши кураш қўмитасига олиб кетилган.
Хамояннинг сўзларига кўра, Кочарян ва унинг кенжа ўғли Левон Кочаряннинг уйларида тинтувлар ўтказилган. Шунингдек, оилага тегишли бир қанча кўчмас мулк обьектларида ҳам текширувлар бўлиб ўтган.
Собиқ президент девони раҳбари Баграт Микоян Кочаряннинг қўлга олинганини тасдиқлади. Арманистон ОАВ манбаларининг хабар беришича, солиқ идоралари Кочарян оиласига тегишли Тоёта автосалонини муҳрлаб қўйган. Бундан ташқари, Оранге Фитнесс спорт мажмуасида ҳам тергов ҳаракатлари олиб борилмоқда.
Бу воқеалар Левон Кочарян ва Арманистон бош вазири Никол Пашинян ўртасида парламентда юз берган оғзаки тортишувдан бир кун ўтиб содир бўлди. Баҳс-мунозара чоғида Пашинян депутатни барча мол-мулкидан маҳрум қилишини айтган. Бош вазир Кочарян бу активларни фарзандлари ва невараларига мерос қилиб қолдира олмаслигини таъкидлаган.