АҚШга ташрифи олдидан Си Жинпингнинг соғлиғи билан боғлиқ хавотирлар пайдо бўлди
Си Жинпингнинг соғлиғи хавотир уйғотди, деб ёзди ВСЖ манбаларга таяниб. Аввалроқ Хитойнинг 73 ёшли раҳбари Ҳиндистонда бўлиб ўтган БРИКС саммитида жаҳон етакчилари иштирокидаги кечки овқатни ўтказиб юборган эди.
АҚШга сафаридан олдин Си Жинпингнинг соғлиғи борасида хавотирлар кучайди
Хитой раҳбари Си Жинпинг Ҳиндистонда ўтган БРИКС саммитидаги кечки овқат тадбирида қатнашмади. Шундан кейин, Вашингтонга ташрифи арафасида унинг соғлиғи ҳақида хавотирлар пайдо бўлди, деб ёзди.
Уларнинг айтишича, шу ой бошида Си ўзини ёмон ҳис қилгани сабабли Ню-Деҳлида етакчилар иштирокидаги кечки овқатга бормаган — Хитой раиси тадбирда «сўнгги дақиқада» қатнашишдан бош тортган. Унинг ўрнига кечки овқатда Хитойнинг ташқи ишлар вазири Ван И бўлган.
Ҳиндистоннинг Пресс Труст агентлиги манбаларга таянган ҳолда, Си Жинпинг «дам олиш учун меҳмонхона хонасига қайтганини» маълум қилди. Бироқ ВСЖ суҳбатдошларининг таъкидлашича, Хитой раиси ўзини ёмон ҳис қилган.
Си Жинпингнинг кечки овқатда қатнашмагани Хитойнинг 73 ёшли етакчиси қанчалик соғлом экани ва Пекин унинг АҚШга сафари олдидан аҳволи ҳақида бирор нарса айтишга тайёрми, деган саволларни юзага чиқарди, деб ёзди ВСЖ. Шу билан бирга, Хитой раиси жиддий касал эканига ҳеч қандай далил йўқ.
Газета аниқлик киритишича, сўнгги бир неча йил ичида Сининг аҳволи ҳақида саволлар туғдирган бир нечта ҳолатлар бўлган, аммо уларнинг ҳеч бири «ташхис эмас».
Си Жинпингнинг Вашингтонга расмий ташрифи 24-сентабр куни бошланади — бу Хитой раҳбарининг 10 йилдан ортиқ вақт ичида АҚШга илк сафари бўлади. Саммитда у ва АҚШ президенти Доналд Трамп, хусусан, сунъий интеллект, Эрон, Тайван ва савдо масалаларини муҳокама қилиши кутилмоқда.