АҚШ Европада Старлинк чекланадиган бўлса «вайронкор» жавоб қайтариш билан таҳдид қилди
АҚШнинг Европа Иттифоқидаги элчиси Эндрю Паздер Брюссел СпасеХ каби Америка компанияларининг Европа бозорига киришини чеклаш режасини амалга оширадиган бўлса, Европа компаниялари жиддий оқибатларга дуч келиши мумкинлигидан огоҳлантирди.
АҚШ Европада Старлинк чекланса, «вайронкор» жавоб қайтариш билан таҳдид қилди
Европа компаниялари жавоб чораларидан хавотирланиши керакми, деган саволга Паздер шундай жавоб берди: «Бу содир бўлиши мумкин ва Америка бозорининг ҳажмини ҳисобга олганда, бу улар учун вайронкор оқибатлар келтириб чиқаради».
Элчининг айтишича, АҚШда бу пойгада ғалаба қозониш учун барча зарур имкониятлар бор.
«Бироқ Европа билан урушиш ўрнига ҳамкорлик қилишимиз осонроқ бўларди», - деди у.
АҚШнинг бу огоҳлантириши Еврокомиссия сунъий йўлдошлар орқали смартфонларга тўғридан-тўғри алоқа хизматларини кўрсатиш учун радиочастоталарни тақсимлаш қоидаларини ўзгартириш режаларини ишлаб чиқаётган пайтда янгради.
Таклифга кўра, 2 ГГс частота диапазонининг бир қисми давлат хизматлари учун, қолган қисми эса тижорат мақсадларига ажратилади. Бунда тижорат спектридан фойдаланиш Европа операторларига устунлик берадиган тарзда тартибга солинади. Бу СпасеХ, жумладан, Старлинк тармоғини бошқараётган Америка ҳамда Хитой компанияларининг имкониятларини чеклаши мумкин.
Европада радиочастота спектрини тақсимлашга киритилиши таклиф этилаётган ўзгаришлар СпасеХ компаниясининг кескин танқидига учради. Компания бу Украинада алоқа сифати ёмонлашишига олиб келиши мумкинлиги ҳақида огоҳлантирди.
Шу билан бирга, аввалроқ ЕИнинг ташқи ишлар ва хавфсизлик сиёсати бўйича вакили Кая Каллас Европа Иттифоқи қисқа муддат ичида Украинани Старлинк сунъий йўлдош алоқа тизимига муқобил технологик ечим билан таъминлаш имкониятига эга эмаслигини таъкидлаган эди.