АҚШ луғатига 1400 та янги сўз қўшилди, жумладан, «neckbeard» (бўйинсоқол), «trash panda» (чиқинди пандаси) ва «cuffing season» (жуфтлашиш мавсуми)
Траш панда, срашоут, Рискролл, вибе содинг ва Сундай ссариес Мерриам-Вебстер луғатига қўшилган 1400 та янги сўзлар қаторидан жой олди.
АҚШ луғатига 1400 та янги сўз, жумладан, neckbeard, trash panda ва cuffing season қўшилди
Енотларни одамларнинг чиқиндиларидан топилган овқатларни ейишни яхши кўришлари сабабли меҳр билан trash pandas (чиқинди пандалари) деб аташади.
Американинг энг қадимги луғат нашриёти бўлмиш Merriam-Webster ўзига 1400 та янги сўзни қўшди, улар орасида glow-up, looksmaxxing, meme coin ва енотларнинг эркаловчи лақаби бўлган trash panda ҳам бор.
«Янги киритилган сўзлар вақт ўтиши билан кенг қўлланилишини исботлаган сўзлар ва маъноларни акс эттириб, бугунги дунёга бир ойна очади», деди нашриёт ўз блогидаги постида.
Бошқа қўшимчалар овқатланиш билан боғлиқ бўлиб, улар қаторига superfood (озуқавий моддаларга бой озиқ-овқатлар), bao (Осиёда машҳур бўлган ичига қийма солинган бўғирсоқ) ва cake pop (чўпчадаги пирожний) киради.
Куз яқинлашаётгани сабабли, cuffing season (кишанлаш мавсуми) ҳам киритилди, бу йилнинг бўйдоқ одамлар совуқ ойларни бирга ўтказиш учун романтик шерик излайдиган даврини ифодалайди.
Баъзи атамалар кўпчиликка аллақачон таниш бўлиши мумкин, масалан, whack-a-mole («мавжуд муаммо ҳал қилиниши билан янги ўхшаш муаммо пайдо бўладиган вазият»).
Бошқалари камроқ таниш бўлиши мумкин, масалан, Mandela effect («кўп одамларнинг жамоавий равишда бир хил сохта хотирага эга бўлиш тажрибаси»).
Баъзи сўзлар айниқса америкачадир, масалан, California sober сифати, луғатда бу кокаин ёки метаамфетамин каби бошқа гиёҳванд моддалардан тийилиб, марихуана ва/ёки спиртли ичимликларни истеъмол қилиш деб таърифланади.
Мана энг сўнгги қўшимчалардан яна бир нечтаси:
Rickroll - инглиз хонандаси Рик Эстлининг Never Gonna Give You Up қўшиғини тинглатиш орқали кимгадир ҳазил қилиш
Uncanny valley - деярли ҳақиқийдек туюладиган сунъий нарсани кўришдан пайдо бўладиган ваҳимали туйғу
parasocial - бир томонлама ҳиссий боғлиқлик
vibe coding - компьютер кодини яратиш учун сунъий интеллект тизимидан фойдаланиш
chili crisp - ёғ ва қовурилган қалампир, саримсоқ ёки шалот пиёзи бўлакларидан тайёрланган аччиқ, қарсилдоқ зиравор
yacht rock - 1970-йилларда бошланган софт-рок мусиқа жанри
neckbeard - ияк ва томоқни қоплайдиган соқол, шунингдек, ушбу соқоллар билан боғлиқ «маданият» бўлиб, у баъзан аёлларни ёмон кўрувчи ёки компьютер аҳмоғи деган маънода камситувчи атама бўлиши мумкин
shapewear - танани шакллантириш ва силлиқлаш учун мўлжалланган тор кийим
Sunday scaries - дам олиш кунлари тугаётганини билиб, ташвиш ёки қайғу ҳиссини туйиш
crashout - драматик якун, йўқотиш ёки мағлубият, ёки ҳиссий тушкунлик
Merriam-Webster яқин бир неча ой ичида йил сўзини ҳам эълон қилиши кутилмоқда.
2025 йилда slop сўзи танланди, унинг таърифи кенгайтирилиб, «одатда сунъий интеллект ёрдамида кўп миқдорда ишлаб чиқариладиган паст сифатли рақамли контент»ни ўз ичига олди.